Zyakwaambilizya

◼ Mabbuku aakumwaya mu April a May: Kuya kwaabilwa Ngazi Yamulindizi alimwi a Galamukani! Ciindi nomupilukila kubantu bakatondezya luyandisisyo, kubikkilizya abaabo ibakajanika ku Ciibalusyo naa kububambe bumwi bucitwa ambungano pele batayanzani ambunga, amubikkile maano kukumwaya bbuku lipya lya Amukombe Leza. Amube amakanze aakutalisya ciiyo ca Bbaibbele caaŋanda, ikapati kuti bantu aabo bakaliiya kale bbuku lya Luzibo alimwi abroshuwa ya Ncayanda. June: Amwiiye ku Mwiiyi Mupati. Ikuti balaaŋanda baamba kuti banyina bana, amubaabile broshuwa ya Ncayanda. Nomubelesya broshuwa, amubikkile maano kukutalisya ziiyo zyaaŋanda. July a August: Kufwumbwa broshuwa akati kayaaya aamapeeji aali 32 inga abelesyegwa: Sena Leza Ncobeni Ulatulanganya?, Amutangale Abuumi Butamani a-Nyika!, “Amubone! Ndalengulula Zintu Zyoonse Zibe Zipya,” Kodi Muyenera Kukhulupirira Utatu?, Myuuya Yabafwide—Sena Inga Yamugwasya Naba Kumucisa? Sena Ncobeni Nkwiili?, The Divine Name That Will Endure Forever, Imfulumende Eeyo Iiyooleta Paradaiso, Mulakonzya Kuba Mulongwe wa Leza!, Ncinzi Cicitika Kulindiswe Twafwa?, Ino Buumi Bujisi Mulimonzi?—Mbubuti Mbomunga Mwabujana?, A Satisfying Life—How to Attain It, Sena Mwakaijana Kale Inzila Iisololela Kubuumi Butamani? alimwi aya kuti Ciindi Muntu Ngomuyanda Nafwa.

◼ Ikutalikila mu April, mabbaaji aakumuswaangano wacooko wamu 2004 ayootuminwa antoomwe ampasya nzyomuyootuminwa kakunyina akwaawoda buya. Aboobo takukayandiki kwaawoda buya pe. Ikweelana akukomena kwambungano aimwi, mabbaaji ayootuminwa mutulwi tujisi mabbaaji aali 20. Ikuti mbungano kaiyanda aambi mabbaaji, ayelede koodwa ikubelesya Foomu Yakoodela Mabbuku (S-14). Cilayandika ikooda tukomwi twamabbaaji ikuti kakuli bamwi ibatuyanda mumbungano.

◼ Ncintu ciyandika lyoonse kuti ofesi yamutabi kiijisi makkeyala alimwi amanamba aaluwaile aabalangizi beendelezya alimwi abalembi aabeleka kwalino. Ikuti naa kwaba kucinca, Ikkomitii Yeendelezya Mulimo Wambungano yeelede kulemba mufoomu ya Kucinca Kwakkeyala ya Mulangizi Weendelezya naa Mulembi (S-29) akwiitumina kuofesi yamutabi cakufwambaana. Eeci cilabikkilizya akucinca kuli koonse kukonzya kucitwa kumanamba aaluwaile aakubusena nkomubede.

◼ Ibalembi bambungano beelede kuti kabajisi mafoomu manji aa Kulembela Mulimo Wabupainiya Waciindi Coonse (S-205) alimwi aya Kulembela Mulimo Wabupainiya Bwakugwasyilizya (S-205b). Mafoomu aaya alakonzya koodwa aa Foomu Yakoodela Mabbuku (S-14). Mweelede kuba amafoomu ngomukonzya kubelesya kwamwaka woonse. Amwaalange-lange mafoomu oonse aabaabo bakalembela mulimo wabupainiya waciindi coonse ikutegwa musinizye kuti akalembwa kabotu kubikkilizya adeeti sikulembela naakabbapatizyigwa.