Mulongo Wamiswaangano Yamulimo

Malailile: Mu Mulimo Wesu Wabwami kuyoondandamikwa mulongo wa Muswaangano Wamulimo mvwiki aimwi lyamuswaangano wacooko. Mbungano zilakonzya kubikka bubambe bugwasya kutegwa bantu bakajanike ku Muswaangano Wacooko wa “Amweende a Leza.” Ikuti kacikonzyeka, amubelesye maminiti aali 15 mu Muswaangano Wamulimo wamvwiki yamamanino kamutanaunka kumuswaangano wacooko, ikwiinduluka malailile aagaminide kuzwa mupepa lyamukati lyamwezi uuno aakonzya kubeleka nkomuzwa. Mumwezi wa October, Muswaangano Wamulimo woonse uuyooba abubambe bwakwiinduluka twaambo tupati-pati twakumuswaangano wacooko. Ikulibambila mubandi ooyo, toonse tulakonzya kulemba twaambo tugwasya kumuswaangano, ikubikkilizya amulongo watwaambo totuyanda kuyoobelesya lwesu mubuumi alimwi amumulimo wamumuunda. Eelyo tulakonzya kubakulwaizya bamwi kwiinda mukupandulula mbotwaabelesya malailile aaya.

Nsondo Iitalika mu July 12

Lwiimbo 5

12 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu Wabwami. Kwiinda mukubelesya nzila zyobilo zili apeeji 8, amutondezye mbomukonzya kwaabila Ngazi Yamulindizi ya August 1. Mucitondezyo acimwi, amutondezye mbokwaabilwa magazini kumuntu weenda mumugwagwa uutacizyi kabotu kukanana mwaambo wenu.

18 min: “Amwiiye Bululami bwa Jehova.”a Ikuti ciindi kaciciliko, amubalombe baswiilizi kwaamba amagwalo abikkidwe.

15 min: “Atusumpule Izina Lyakwe Toonse.”b Imakani atiikananwe amulembi wambungano kwiinda mukubelesya mibuzyo iibikkidwe. Amwaambe muswaangano wacooko mbungano yanu nkoyaambidwe kutozya. Ziindi zyapulogilamu zili ndandamikidwe mu Mulimo Wesu Wabwami wamu March 2004 mupepa lyamukati. Twaambo tumwi tuli mupepa eeli tulakonzya kwaambwa atwalo ikuti kwayandika. Amumanizye kwiinda mukubuzya mibuzyo yobilo naa yotatwe mucibalo cakuti, “Zilyo Zyakumuuya Kuciindi Ceelede” ziyoobandikwa ku Muswaangano Wamulimo uutobela.

Lwiimbo 13 amupailo wakujala.

Nsondo Iitalika mu July 19

Lwiimbo 17

10 min: Zyakwaambilizya zyambungano. Amubandike mbociyandika kuzumanana abubambe bwakubala Bbaibbele lyoonse, nokuba kuti milimo naa zimwi zicitika inga zyanyonganya mbotubala lyoonse. Amubikkilizye atwaambo kuzwa mu Ngazi Yamulindizi ya September 1, 1998 peeji 17 muncali 13-15.

15 min: “Zilyo Zyakumuuya Kuciindi Ceelede.”c Amubelesye mibuzyo ibikkidwe. Nomubandika muncali 2, amulombe sikumwaya omwe naa bobilo kubaswiilizi kuti baambe nzyobakamvwa kumuswaangano ooyo uutalubiki ngobakajanika. Amumanizye kwiinda mukubuzya mibuzyo yobilo naa yotatwe mucibalo cakuti, “Amusalale Mukweenda Kwanu Koonse,” calo ciyoobandikwa ku Muswaangano Wamulimo uutobela.

20 min: “Ikweendelezya Ziiyo zya Bbaibbele Ziyaambele—Cibeela 1.” Makani ayoobandikwa amulangizi wamulimo. Amubape ciindi baswiilizi kuti baambe cibalo camubbuku lya Proclaimers apeeji 572-4, lyalo ilipandulula mulimo mbuli mbokucitwa ciiyo ca Bbaibbele mazubaano. Amukankaizye imilongo yazibalo iilangilwa. Mitwe imwi inoobandikwa inooli yakutugwasya kulibambila ambokweendelezyegwa ciiyo, mbotukonzya kugwasya sikwiiya kulibambila, ibulamfwu bwaciiyo ciyiigwa, mbotukonzya kubelesya magwalo munzila yeelede, mbotukonzya kwiingula mibuzyo iibuzyigwa asikwiiya, mbotukonzya kutalika mupailo alimwi ambotukonzya kugamika sikwiiya kumbunga. Amubakulwaizye boonse kubelesya nzila zipedwe akuziyobola zibalo eezyi kutegwa zikabelesyegwe kumbele.

Lwiimbo 8 amupailo wakujala.

Nsondo Iitalika mu July 26

Lwiimbo 15

12 min: Zyakwaambilizya zyambungano. Kulanga-Langa Nkomwi Yamali Yambungano. Amubayeezye basikumwaya kuti bape malipooti aabo aamumulimo wamumuunda aamu July. Kwiinda mukubelesya nzila zyobilo zyamamanino zipedwe apeeji 8, amutondezye mboikonzya kwaabilwa Ngazi Yamulindizi ya August 1. Mucitondezyo acimwi, amutondezye nzila ziindenyi-indenyi mbuli mbomukonzya kuzumanana kubandika asikutyompya mubandi waamba kuti, “Nkaambo nzi nywebo nobantu ncomuswaya-swaya?”—Amubone bbuku lya Kukambitsirana apeeji 20.

8 min: Kabbokesi Kamubuzyo. Akananwe amwaalu. Amubale akubandika cibalo coonse.

25 min: “Amusalale Mubukkale Bwanu Boonse.”d Amubelesye mibuzyo iibikkidwe. Amubalombe baswiilizi kuti baambe kuba abukkale bubotu amiswaangano mbokupa bulemu kuli Jehova. Amumanizye akubuzya mibuzyo yobilo naa yotatwe mucibalo cakuti, “Ikulibonya Munzila Iisalala Alimwi Iitembaulika” ciyoobandikwa ku Muswaangano Wamulimo uutobela.

Lwiimbo 7 amupailo wakujala.

Nsondo Iitalika mu August 2

Lwiimbo 12

8 min: Zyakwaambilizya zyambungano.

22 min: “Mbotukonzya Kukambauka Mucilawo Camakwebo.”e Amwaambe bubambe bwakukambauka mucilawo camakwebo. Mubufwaafwi amutondezye zitondezyo zyobilo zili mumincali 4-5 naa citondezyo cimwi cali kugwasya mucilawo canu. Ikuti ciindi kaciciliko, amubalombe baswiilizi kuti baambe zyakuluula nobakali kubelekela muzilawo zyamakwebo.

15 min: “Ikulibonya Munzila Iisalala Alimwi Iitembaulika.”f Amubelesye mibuzyo iibikkidwe. Ikuti ciindi kaciciliko, amubale akubandika amagwalo aabikkidwe.

Lwiimbo 3 amupailo wakujala.

Bupanduluzi buyungizidwe