Mulongo Wamiswaangano Yamulimo

Nsondo Iitalika mu August 9

Lwiimbo 9

10 min: Zyakwaambilizya zyambungano alimwi Azyakwaambilizya zisalidwe mu Mulimo Wesu Wabwami. Amutondezye mboikonzya kwaabilwa Ngazi Yamulindizi ya September 1. Amwaambe abubambe bwakusanga. Amubayeekezye baswiilizi kuti bakaletelezye ibroshuwa ya Ncayanda nsondo iiboola.

15 min: “Kuliyumya Kulaletela Bulumbu.”a Amubikkilizye atwaambo mubufwaafwi kuzwa mu Ngazi Yamulindizi ya January 1, 2001 apeeji 15, 16 muncali 15-18.

20 min: Kubelesya Matulakiti Kutalisya Ziiyo zya Bbaibbele. Makani amubandi abaswiilizi kuzwa mu Mulimo Wesu Wabwami wa November 2001 apeeji 3-4. Amwaambe kuti tulilisungude kucinca kweelana abukkale bwasikwiiya aumwi mbuli mbokwatondezyegwa mumuncali 5. Amubikkilizye acitondezyo comwe naa zyobilo mubufwaafwi kuzwa mumuncali 8-10. Ikuti nzila imwi kiibeleka kabotu mucilawo canu, amupandulule alimwi amutondezye citondezyo eeco. Amubalombe baswiilizi baambe nzyobakayaanya nobakali kubelesya tulakiti yakuti, Sena mulayanda kuzyiba zinji kujatikizya Bbaibbele?

Lwiimbo 20 amupailo wakujala.

Nsondo Iitalika mu August 16

Lwiimbo 8

10 min: Zyakwaambilizya zyambungano.

15 min: Amubayiisye Kasimpe Bana Banu. Makani kuzwa mubbuku lya Lukkomano Mumukwasyi apeeji 55-9. Amubandike nzila zili zyone bazyali nzyobakonzya kugwasya bana babo kuba acilongwe cibotu a Jehova kwiinda mukuzyibelesya zili mucibalo.

20 min: “Ikweendelezya Ziiyo zya Bbaibbele Ziyaambele—Cibeela 2.”b Amubikkilizye acitondezyo camaminiti aali osanwe. Sikumwaya wabuzya mwaalu mbwakonzya kugwasya sikwiiya Bbaibbele kuyaambele. Mwaalu waamba kuti ncintu cikatazya kapati nokucitwa ciiyo, nkutola ciindi cilamfwu cakwaamba twaambo tutayandiki kapati twalo tutakonzyi kusalazya kabotu kaambo kabandikwa. Ikwiinda mukubelesya ciiyo 9 mubroshuwa ya Ncayanda, watondezya sikumwaya mbwakonzya (1) kubikkila maano kutwaambo tupati-pati tuli mucibalo, (2) mbwakonzya kwaabelesya magwalo abikkidwe munzila iigwasya, alimwi (3) mbwakonzya kucinca ciiyo kweelana anzyayandika sikwiiya. Wabona kuti kulibambilila limwi kulayandika ciindi coonse ciiyo nocicitwa.

Lwiimbo 11 amupailo wakujala.

Nsondo Iitalika mu August 23

Lwiimbo 26

15 min: Zyakwaambilizya zyambungano. Kulanga-Langa Nkomwi Yamali Yambungano. Amutondezye mbokwaabilwa Ngazi Yamulindizi ya September 1. Mucitondezyo, amutondezye mbokukambaukwa kumwiiyi.

10 min: “Bubambe Bupya Bwakwiinduluka Mapulogilamu aa Miswaangano Yamubbazu.” Makani amubandi abaswiilizi kuzwa mucibalo cili apeeji 4. Amwaambe mazuba amuswaangano wabbazu uuccilila alimwi apulogilamu yamuswaangano waalubazu ikuti kailiko. Aabo bayanda kuya kubbapatizyigwa beelede kuzyibya mulangizi weendelezya kakucili ciindi.

20 min: Kasimpe Kalakamantanya Mikwasyi. Makani amubandi abaswiilizi. Bantu bajisi luyandisyo kukasimpe balajoka munsi ikubelekela Jehova akaambo kakukazyigwa abamukwasyi wabo. Amwaambe zyakacitika zimwi kuzwa mu Ngazi Yamulindizi ya January 1, 2002 apeeji 24-25. Amutondezye kuti buumi bwamumukwasyi bulakonzya kucinca nokuba kuti ngumwi buyo wamumukwasyi uubelesya njiisyo zyamu Bbaibbele.

Lwiimbo 29 amupailo wakujala.

Nsondo Iitalika mu August 30

Lwiimbo 6

10 min: Zyakwaambilizya zyambungano. Amubayeezye basikumwaya kuti bape malipooti aabo aamumulimo wamumuunda aamu August.

15 min: “Cikolo Cakwiiya Mulimo—Mulyango Mupati Wakucita Milimo.” Makani amubandi abaswiilizi. Amubikkilizye atwaambo kuzwa mu 2004 Yearbook, apeeji 239-40. Amwaambe muswaangano wabaabo bayanda kuya kujanika ku Cikolo Cakwiiya Mulimo uucitwa ciindi camuswaangano waalubazu alimwi awacooko. Amubakulwaizye aabo basika azyeelelo ziyandika kujanika kumuswaangano ooyu.

20 min: Sena Mwagwasyigwa? Mubandi abaswiilizi. Amwiinduluke nzila eezyi zyakatondezyegwa mu Mulimo Wesu Wabwami mumwaka wamulimo wainda: Amulembe ntalisyo yanu yamumuunda akapepa naa mukabbuku. (km 10/03 p. 8) Amubalumbaizye cacigaminina alimwi camoyo oonse. (km 11/03 p. 1) Amukambauke bantu nobajanika aŋanda. (km 12/03 p. 1) Amubikke ciindi cini cakubala Bbaibbele, kulibambila miswaangano alimwi acakuunka mumulimo wamumuunda. (km 1/04 p. 4) Amubelesye ibroshuwa ya “Nyika Mbotu” nomucita ciiyo canu anomubala Bbaibbele. (km 3/04 p. 2) Amulibikkile mbaakani yakubala Bbaibbele lyoonse. (km 4/04 p. 1) Amukambauke mucilawo camakwebo. (km 7/04 p. 4) Amubelesye matulakiti kutalisya zyiiyo zya Bbaibbele. (km 8/04 p. 2) Amubalombe baswiilizi baambe mbobagwasyigwa kwiinda mukubelesya nzila eezyi.

Lwiimbo 7 amupailo wakujala.

Nsondo Iitalika mu September 6

Lwiimbo 15

5 min: Zyakwaambilizya zyambungano.

15 min: Ziyandika zyambungano.

25 min: “Amube Amuuya Wabupainiya.”c Mubufwaafwi, amubuzye-buzye mupainiya omwe naa bobilo. Abaambe mbuli cikozyanyo cabazyali, baalu naa bamwi mbocakabakulwaizya kutalika mulimo waciindi coonse.

Lwiimbo 17 amupailo wakujala.

Bupanduluzi buyungizidwe