Zyakwaambilizya

◼ Mabbuku aakumwaya mumwezi wa December: Amumwaye bbuku lya Muntu Mupati Kwiinda Iwakaponede. Ikuti kamutalijisi bbuku eeli, inga mwabelesya The Bible—Godˈs Word or Manˈs naa Ibbuku Lyangu Lyamakani Aa-Bbaibbele. January: Imabbuku woonse aajisi mapeeji 192 akalembwa kautanasika mwaka wa 1990 alakonzya kumwaigwa. Ikuti kamutaajisi mabbuku aaya, amulombe kumbungano ili afwaafwi kuti kabajisi mabbuku akaindi manji ngomukonzya kubelesya. Mbungano zitajisi mabbuku aaya inga zyamwaya ibbuku lya Mankind’s Search for God. February: Amumwaye bbuku lya Amubaa Cilongwe a Jehova. Ikuti kalitako bbuku eeli mulakonzya kubelesya bbuku lya Life—How Did it Get Here? By Evolution or by Creation? naa lya Revelation—Its Grand Climax At Hand! March: Amumwaye Broshuwa lya Amulangile Lyoonse! Ikuti bamwi batondezya luyandisyo, amubatondezye ibbuku lya Luzibo akusola kutalisya ciiyo ca Bbaibbele caaŋanda.

◼ Kutamba bantu ku Ciibalusyo camu 2005 tuyootumina tupepa mulaka aumwi uukananwa kumbungano aimwi. Ikuti kakukananwa milaka iimwi mucilawo canu alimwi muyanda kubatamba kwiinda mukubelesya tupepa twakutamba bantu, mweelede kooda kwiinda mukubelesya Foomu yakoodela Mabbuku ya (S-14). Tupepa twakutamba bantu ku Ciibalusyo tunooliko mu Cingisi, Chitonga, Chichewa, Cibemba, Cikaonde, Cilubale a Cilozi. Twamulomba kuti moode buyo mumilaka iikananwa mucilawo canu.

◼ Ciibalusyo camu 2006 ciya kucitwa muli Bwatatu mu April 12 lyaakubbila zuba. Twamuzyibizyila limwi kutegwa bakwesu baswaanganina mu Ŋanda ya Bwami iibelesyegwa ambungano zinji batalikile limwi kulomba masena aambi mobatiikaswaanganine. Ibaalu beelede kuzuminizyanya abeendelezi bamasena aayo kutegwa kutakabi zintu zinyonganya ziyoocitilwa mumasena aayo kucita kuti Ciibalusyo cikacitwe kabotu alimwi muluumuno.

◼ Mbouli muswaangano uuyandika kapati, ikabunga kabaalu beelede kusala mwaambi wamakani aa Ciibalusyo, beelede kusala umwi wabaalu weelela muciindi cakwiide kucincana naa kubelesya mukwesu omwe amwaka. Ikuti kakuli mwaalu umwi wabananike uukonzya kukanana makani inga wasalwa.

◼ Kutalikila nsondo yamu June 27, 2005, a Ciiyo Cabbuku Cambungano tuna kwiiya bbuku lya Amububikkile Maanu Businsimi bwa Daniele!

◼ Ma Compact Discs Mapya aliko:

Marked for Survival (cdme-E)—Cingisi

Appreciating Our Spritual Heritage (cdoh-E)—Cingisi

Preserving Life in Time of Famine (cdpv-E)—Cingisi

Doing What Is Right in Jehovah’s Eyes (cdft-E)—Cingisi

Why Respect Theocratic Arrangements? (cdth-E)—Cingisi

Doing God’s Will With Zeal (cdze-E)—Cingisi