Zintu Zitugwasya Kulikasya Kubulowa

Basikumwaya babbapatizyidwe bakalemba kkaadi ya Advance Medical Directive/Release card naa Identity Card iitajisi naa ijisi mazuba amwezi aamu 3/99 tabakayandiki kulemba mapya mwaka uuno. Muswaangano Wamulimo wansondo iitalika mu December 27, imulembi weelede kuti kajisi makkaadi manji aakupa basikumwaya bakabbapatizyigwa ino-ino, ibana babo alimwi abaabo bayandika aambi. Mbungano tazyikatuminwi makkaadi aaya. Ikuti mbungano kazyitajisi makkaadi manji, mulembi ulakonzya kulomba makkaadi aamwi kumbungano zili afwaafwi naa kubikkilizya mumaoda aamabbuku atobela aambungano. Imakkaadi ayelede kulembwa kabotu-kabotu kuŋanda, pele TAAYELEDE kusainwa pe. Ku Ciiyo Cabbuku Cambungano citobela, imakkaadi inga alasainwa kabalangilila bakamboni akulembwa deeti kwiinda mukugwasyigwa amulangizi waciiyo cabbuku kuti naa kwayandika. Bakamboni beelede kuti kabalangilila ciindi uulaa kkaadi nasaina.

Basikumwaya batabbapatizyidwe balakonzya kulilembela makkaadi aabo alimwi ayaayo aanoobelesya bana babo kwiinda mukulembulula mabala aalembedwe akkaadi ya Advance Medical Directive/Release Card alimwi a Identity Card.