Mulongo wa Miswaangano ya Mulimo

Nsondo Iitalika mu February 14

Lwimbo 15

10 min: Zyakwaambilizya zyambungano. Zyakwaambilizya zisalidwe mu Mulimo Wesu wa Bwami. Amubelesye nzila zili apeeji 8 (ikuti kazigwasya mucilawo cenu) ikutondezya mbomunga mwaabila Ngazi Yamulindizi ya March 1. Mubufwaafwi amwiinduluke nzila zyacitondezyo mbozinga zyabelesyegwa ikweendelanya bukkale bwamu cilawo cenu.—Amubone Mulimo Wesu wa Bwami wa January 2005, apeeji 8.

35 min: “Ciindi ca Ciibalusyo—Nciindi Cakuyungizya Mulimo.”a Akananwe amulangizi wamulimo. Amwaambilizye aabo balilembya kuba bapainiya bakugwasyilizya. Amwaambe kujatikizya bubambe buliko bwamiswaangano iiyungizyidwe yakulibambila kuunka mumulimo wamumuunda. Amweezyanisye lipooti yamulimo wamumuunda mu Mulimo Wesu wa Bwami uno amwezi wamamanino wamwaka wamulimo wa 2004 mulipooti lili mu Mulimo Wesu wa Bwami wamu December 2004; kuli kuyaansi mumweelwe wabaabo bapa malipooti. Amubakulwaizye boonse kuyungizya mulimo wabo wakumuuya munzila imwi lyaciindi ca Ciibalusyo.

Lwimbo 16 amupailo wakujala.

Nsondo Iitalika mu February 21

Lwimbo 25

10 min: Zyakwaambilizya zyambungano. Amwiinduluke twaambo tupati-pati tuli mukabbokesi kali apeeji 7, “Amubagwasye Kuzumanana Kwiiya Kasimpe.” Amubakulwaizye boonse ikufwambaana kulemba foomu ya Amuzumanane a Muntu Ooyu (S-43) ciindi nokwayandika kucita oobo.

20 min: “Atulumbe Jehova Nkaambo Kaluzyalo Lwakwe.”b Amwaambilizye ciindi abusena nkociyoocitilwa Ciibalusyo alimwi a zina lya mwaambi kubikkilizya atwaambo tumwi tuyandika. Ciindi nomubandika muncali 4, amubikkilizye acitondezyo cifwaafwi ca sikumwaya uutamba muntu ngwatolela mamagazini lyoonse kuti akaboole ku Ciibalusyo. Itupepa twakutamba bantu ku Ciibalusyo itusimbidwe tweelede kupegwa wamana muswaangano, ikuti eeci tiicakacitwa kale.

15 min: “Ikweendelezya Ziiyo zya Bbaibbele Ziyaambele—Cibeela 6.”c Amubikkilizye acitondezyo camaminiti one mwalo sikwiiya Bbaibbele mwabuzya ncokuli buyo bantu basyoonto akati kabaabo bajanika ku Ciibalusyo ibatola lubazu mukulya cinkwa alimwi akunywa waini. Sikweendelezya ciiyo wamulumba akaambo kamubuzyo wakwe, wuulemba, alimwi wamwaambila kuti balaubandika bamanizya kulanga-langa makani ayiigwa mvwiki eeyo. Nobamanizya kwiiya, sikweendelezya ciiyo watondezya sikwiiya makani aajanika amubuzyo wakuti “Kodi ndani amene ayenera kudya mkate ndi vinyo?” mubbuku lya Kukambitsirana apeeji 72. Balibala bbuku antoomwe, eelyo sikwiiya walumba kapati akaambo kabwiinguzyi bulimvwisya kumubuzyo ngwaabuzyide.

Lwimbo 4 amupailo wakujala.

Nsondo Iitalika mu February 28

Lwimbo 21

15 min: Zyakwaambilizya zyambungano. Lipooti yankomwi yamali. Amubayeekezye basikumwaya kupa malipooti aabo amumulimo wamumuunda a February. Kwiinda mukubelesya nzila zili apeeji 8 (ikuti kazigwasya mucilawo cenu), amutondezye mbomunga mwaabila Ngazi Yamulindizi ya March 1. Nzila zimwi zigwasya zilakonzya kubelesyegwa. Camana citondezyo cimwi, amutondezye sikumwaya uutamba mwiniŋanda ku Ciibalusyo kwiinda mukubelesya Galamukani! ya March 8 nkwiili kunze.

20 min: Amubabikkile Maano Aabo Bakompeme. (Inc. 20:35) Mwamana kwaamba majwi aantalisyo aatasiki kuminiti yomwe, amube amubandi wakubuzya akwiingula kuzwa mu Ngazi Yamulindizi ya July 1, 2004, mapeeji 28-9, mincali 12-16, munzila njiyoonya iibelesyegwa lya Ciiyo ca Ngazi Yamulindizi. Mincali ibalwe amukwesu uucibwene kubala. Amubikkile maano ikubona mbwaanga abelesyegwa makani kujatikizya Ciibalusyo ncotulangila alimwi amakani aalubazu.

10 min: Amwaabile broshuwa ya Amulangile Lyoonse! Amubandike alimwi akutondezya nzila zikonzya kubelesyegwa mukwaabila broshuwa eeyi mu March. Nzila zyacitondezyo zili mupepa lyamukati mu Mulimo Wesu wa Bwami wa January 2005 naa izimbi zikonzya kugwasya mucilawo cenu zilakonzya kubelesyegwa.

Lwimbo 22 amupailo wakujala.

Nsondo Iitalika mu March 7

Lwimbo 7

10 min: Zyakwaambilizya zyambungano. Amwiinduluke twaambo tupati-pati kuzwa mukabbokesi kajisi mutwe wakuti “Ziyeezyo zya Ciibalusyo.”

15 min: Ziyandika zyambungano.

20 min: “Amwaabelesye Mamagazini mu Mulimo Wenu.”d Ciindi nomubandika mincali 3 a 4, amwaambe mbwaanga abelesyegwa makani mucilawo cenu. Mubufwaafwi amubuzye sikumwaya omwe naa bobile ibazwiidilila mukwaabila mamagazini mumasena aamakwebo, mumulimo wamumugwagwa, mumasena aabuleya naa mubukambausi bwamukwiizya. Amubabuzye kuti bapandulule mbobacita kutegwa baabile mamagazini mubukkale buli boobo. Amube acitondezyo cifwaafwi naa ikutondezya mbobacita oobo.

Lwimbo 3 amupailo wakujala.

Bupanduluzi buyungizidwe