Kubagwasya Boonse Kucizyiba Kubala Akulemba

Jesu wakapa Banakristo boonse mulimo ‘wakuyiisya bantu bamisyobo yoonse; kubayiisya kuti bajatisye makani oonse ngaakalailila.’ (Mt. 28:19, 20) Kutegwa tucikonzye kwiisya bamwi, tweelede kucizyiba kubala akulemba. Sena mbungano yanu ilijisi bubambe bwakugwasya baabo ibayanda kucizyiba kubala akulemba?

Zikolo zyakwiiya kubala akulemba mbubambe bwaluzyalo bubikkidwe a Bakamboni ba Jehova kugwasya basimbungano ibatacizyi kubala. Sena muli sikwiiya wakacileka kujanika mucikolo cakwiiya kubala akulemba? Mbwaanga ikucizyiba kubala akulemba kulayandika kapati mumbungano ya Bunakristo, tumukulwaizya kuti mutalike alimwi kujanika mucikolo eeci kutegwa mugwasyigwe abubambe oobu buliko mu Maanda aa Bwami manji.

Imbungano zyikulwaizyigwa kuti zibe azikolo zyakwiiya kubala akulemba kwiinda mukubelesya broshuwa yakuti Sungwaala Kukubala Akukulemba. Broshuwa eeyi nkoili mumyaambo eeyi: Chibemba, Chichewa, Chilozi, Chilubale, Chingisi, a Chitonga. Inzya, amubagwasye boonse kucizyiba kubala akulemba kutegwa batole lubazu kapati mumulimo uukkomanisya kapati wakuyiisya akupanga basikwiiya.—Inc. 20:35; Mulimo Wesu Wabwami wamu August 2003, apeeji 7.