Zyakwaambilizya
◼ Mabbuku aakumwaya mu March: Amumwaye broshuwa lya Amulangile Lyoonse! Ikuti bamwi batondezya luyandisyo, amubatondezye ibbuku lya Luzibo akusola kutalisya ciiyo ca Bbaibbele caaŋanda. April alimwi a May: Kuya kwaabilwa Ngazi Yamulindizi alimwi a Galamukani! Ciindi nomweenda nyendo zyakupilukila, amubikkile maano kukwaabila bbuku lya Amukombe Leza Mwini-Mwini Uuli Alikke. Mweelede kuba amakanze aakutalisya ciiyo ca Bbaibbele caaŋanda ikapati abantu bakaliiya kale bbuku lya Luzibo naa broshuwa ya Ncayanda. June: Amwiiye ku Mwiiyi Mupati. Ikuti bamwi baamba kuti tabajisi bana, amubaabile bbuku lya Lukkomano Mumukwasyi naa bbuku lya Luzibo. Amusole kutalisya ziiyo zya Bbaibbele.
◼ Mbungano zyeelede kupa basikumwaya mamagazini mapya aa Ngazi Yamulindizi alimwi a Galamukani! mbwaasikila buyo. Eeco ciyoopa kuti basikumwaya kababalila limwi zili mukati kabataninga mwaya mamagazini mumulimo wamumuunda. Awalo Mulimo Wesu wa Bwami weelede kupegwa kuli basikumwaya mbuwasikila buyo. Ulakonzya kupegwa kwiinda mububambe bwa Ciiyo Cabbuku Cambungano.
◼ Lyoonse nomuyanda kuswaya kucisi cimwi alimwi akuti muyanda kuyoojanika kumiswaangano yambungano, yabbazu naa yacooko, nomubuzya kujatikizya madeeti, ziindi alimwi amasena, mweelede kubuzya ofesi yamutabi iilanganya mulimo wacisi eeco ncomuyanda kuyooswaya. Makkeyala aamaofesi aamutabi alajanika kupeeji yamamanino mu Yearbook yamu mwaka ooyo.
◼ Balembi boonse bajisi ma certificates of Registration naa Certificates of Exemption from Registration yakusaanguna beelede kwaatumina kuofesi yamutabi. Makkopi aasainidwe ayoobambwa akupilusyigwa kutegwa baayobole mumafailo aabo.
◼ Ibalembi bambungano beelede kuti kabajisi mafoomu manji aa Kulembela Mulimo Wabupainiya Bwaciindi Coonse (S-205) alimwi aya Kulembela Mulimo Wabupainiya Bwakugwasyilizya (S-205b). Mafoomu aaya alakonzya koodwa aa Foomu Yakulombela Mabbuku (S-14). Mweelede kuba amafoomu ngomukonzya kubelesya mwaka woonse.
◼ Ciibalusyo ciyoocitwa muli Bwane, March 24, 2005. Ikuti mbungano yanu ilacita miswaangano muli Bwane, eeyi yeelede kucitwa mubuzuba bumbi mumvwiki ikuti kaikonzya kubelesyegwa Ŋanda ya Bwami. Ikuti eeci kacitakonzyeki alimwi kacijatikizya Muswaangano Wamulimo wanu, zibeela zigwasya kapati kumbungano yanu inga zyabikkilizyigwa mu Muswaangano Wamulimo umbi.
◼ Sunu kuli nyimbo zya Bwami zyakalekkoodwa zyakaimbwa munzila iidumide akati ka Bakamboni ba Jehova. Nyimbo eezyi tazizumizidwe ambunga pe. Mwalombwa kutamwaya naa kukkopa nyimbo eezyi kuzwa ku Internet.