Amuyobole
Nzila Zyakubelesya Mukwaabila ma Broshuwa
Kuli nzila ziindene-indene zili mupepa lyamukati eeyi zibikkidwe kutegwa zimugwasye nomulibambila nzyomunga mwaamba nomwaabila mabroshuwa. Inga mwazibelesya kweelena abukkale bwa nkomuzwa. Nzila zimwi inga zyabelesyegwa. Mulakonzya kulibambila nzila zimwi zyatabikkilizyigwa mupepa lyamukati eeli kwiinda mukutobela citondezyo canzila eezyi.—Amubone Mulimo Wesu wa Bwami wa January 2005, p. 8.
Nzila aimwi apeeji eeyi ilijisi (1) mubuzyo uupa kukkala ansi kuyeeya uugwasya kutalisya mubandi, (2) aajanika twaambo mubroshuwa alimwi (3) alugwalo lunga lwabalwa mumubandi. Izimwi zinga zyayandika kwaamba inga mwazyaamba mumajwi aanu kweelana ambwaanga waingula ngomubandika limwi.
A Satisfying Life—How to Attain It
“Nyika yoonse mbwiizulwa, bantu bali mukuyandaula buumi bubotu. Sena muyeeya kuti ciyookonzyeka kuba abuumi bukondelezya ncobeni?”—p. 29, munc. 6; 2 Pet. 3:13.
Buku la Anthu Onse
“Sena muyeeya kuti Bbaibbele lilijisi lulayo lugwasya mazuba aano?”—p. 22, majwi aasindikizya cibalo; p. 23, munc. 3 mukabbokesi; Tus. 25:11.
Dzina la Mulungu Limene Lidzakhala Kosatha
“Tobanabunji tuliuzyi mupailo wakuti: “Taatesu ooli kujulu, alilemekwe izina lyako.” (Mt. 6:9) Pele sena mulizyi kuti lufwutuko lwesu luyeeme akuzyiba zina eelyo?”—p. 28, munc. 1; Rom. 10:13.
Iciindi Muntu Ngomuyanda Nafwa
“Sunu tuli mukwaabila broshuwa eeyi iyapa luumbulizyo abulangizi kutuulunzuma twabantu ibafwidwa bayandwa babo. Sena kuli nomwakalibuzyide kujatikizya bulangizi mbobajisi bafwide?”—p. 27, munc. 3; Joh. 5:28, 29.
“Sena kuli nomwakalibuzyide mbomunga mwaumbulizya muntu wafwidwa muyandwa wakwe?”—p. 20, munc. 1; Tus. 17:17.
Imfulumende Eeyo Iyooleta Paradaiso
“Ibantu banji bayandaula nzila yakumana mapenzi aatusikila sunu. Sena muyeeya kuti kuyooba mfwulumende iyoomanizya mapenzi aaya?”—p. 3, munc. 1; Mt. 6:9, 10.
Kodi Muyenera Kukhulupirira Utatu?
“Bantu balijisi mizeezo iindene-indene kujatizya mbwabede ncobeni Leza. Sena muyeeya kuti kunyina makani azyotusyoma kumakani aaya?”—p. 3, munc. 3, 7-8; Joh. 17:3.
Mutangale Abuumi Butamani a-Nyika!
“Bantu banji bayeeya kuti kutegwa bakatangale abuumi butamani beelede kuunka kujulu, pele ino muyeeya kuti kunooli buti ikupona anyika kukabe kutamani?”—Cifwanikiso cili acivwumbyo; Ciy. 21:4.
Ncinzi Cicitika Kulindiswe Twafwa?
“Ciindi bayandwa besu nobafwa, ncilengwa kweezyeezya nkobabede alimwi akuti naa tuyoobabona alimwi. Sena kuli nomwakalibuzyide mibuzyo iili boobo?”—Mibuzyo iili kunze aacivwumbyo; Job. 14:14, 15.
Nzila Zyakubelesya Mukwaabila Broshuwa ya Sena Ncobeni Leza Ulatulanganya?
Mwamanizya kwaamba ntenda yakacitika, inga mwaamba kuti:
“Sena kuli nomwakalibuzyide ikaambo Leza ncalekela bantu kupenga ikuti naa ncobeni ulatulanganya? [Amulindile bwiinguzi.] Broshuwa eeyi ilijisi bupanduluzi bulimvwisya kumubuzyo ooyo alimwi ilatondezya ncayoocita Leza ino-ino. [Amubatondezye zifwanikiso zili apeeji 27 akubala Intembauzyo 145:16 mumuncali 22.] Mbuti Leza mbwayoomanizya mapenzi oonse aasikila bantu? Ndiyanda kuti tukaulange-lange mubuzyo ooyo ndaakuswaya alimwi.” Amwaabile broshuwa akwaamba kuti muyoopilukila.
Nomupilukila, inga mwaamba kuti:
“Nindaamuswaide, twakabala lugwalo oolu. [Amubale naa kuzubulula Intembauzyo 145:16.] Kumane ndaabuzya mubuzyo wakuti: Mbuti Leza mbwayoomanizya mapenzi oonse aasikila bantu?” Amubaambile babweze broshuwa yabo. Mpoonya amuvwunune mapeeji 27-8 akulanga mincali 23-5. Amubaambile bubambe bwaciiyo ca Bbaibbele naa kwaamba kuti muyoolanga mincali 26-7 mwaakuswaya alimwi.
**********
Sikumwaya mukubusi inga waamba kuti:
“Ibantu banji ibaciimo cangu baleezyeezya mbokuyooba kwainda myaka iili 10 naa 15. Ino muyeeya kuti buumi bunooli buti ciindi eeco? [Lindila bwiinguzi.] Mapenzi ngotubona sunu atondezya kuti tuli mumazuba aakumamanino. [Bala 2 Timoteo 3:1-3.] Broshuwa eeyi ilijisi bwiinguzi kumibuzyo eeyi. [Bala mibuzyo iili acivwumbyo akwaabila broshuwa.] Ndaakupilukila ndiyanda kuti kwaciindi cisyoonto buyo ndikamwaambile kaambo kamwi kakulwaizya kujatikizya kuciswa akucembaala mbokuyoomana.” Aamba kuti uyoopilukila.
Waakupilukila inga waamba kuti:
“Nitwakali kubandika, ndakaamba kuti ndiyanda kumwaambila kaambo kajatikizya kuciswa akucembaala mbokuyoomana. Kaambo aako kajanika waawa.” Baambile kuti babweze broshuwa yabo. Mpoonya amubale akubandika mincali 6-7 amapeeji 23-4 mubroshuwa. Baambile kuti uyoopilukila kutegwa mukalange mincali 8-9.
**********
Nomubeleka amwana, bapati inga balizyibya akwaamba kuti:
“Kuli lugwalo ndwayanda kumubalila ________. [Mwana abale Intembauzyo 37:29 akupandulula mubufwaafwi.] Broshuwa eeyi ilabandika Leza mbwayoozuzikizya makanze aakwe kujatikizya bantu anyika. [Amubatondezye zifwanikiso zili amapeeji 24-7.] Twaakupilukila, ndiyanda kuti ndikamutondezye cisyomezyo cabubuke citaliboteli camu Bbaibbele.” Amwaabile broshuwa akwaamba kuti muyoopilukila.
Nomupilukila, bapati inga baamba kuti:
“Nitwaamuswayide, twakabala Intembauzyo 37:29 alimwi ndakaamba kuti ndali kuyanda kuti ndimutondezye ncolyaamba Bbaibbele kujatikizya bubuke. Amubone cilembedwe waawa.” Amubaambile babweze broshuwa yabo. Mpoonya amulange mincali 12-14 apeeji 24-5. Amubaambile bubambe bwaciiyo ca Bbaibbele naa kwaamba kuti muyoopilukila kutegwa mukalange mincali 15-16.
Nzila Zyakwaabila Broshuwa ya Ino Buumi Bujisi Mulimonzi—Mbubuti Mbomunga Mwabujana?
Mwamana kwaanzya mwiniŋanda, inga mwaamba kuti:
“Ncobeni mazuba aano kuli mapenzi aatyompya mubuumi. Sena muyeeya kuti oobu mbobweelede kuba buumi? [Amulindile bwiinguzi.] Eeyi broshuwa itondezya kuti makanze a Leza mataanzi kujatikizya bantu anyika ayoozuzikizyigwa ncobeni. [Amubandike cifwanikiso cili amapeeji 20-1. Mpoonya mubale muncali 9, akupandulula Isaya 14:24 alimwi a Isaya 46:11.] Ndaakuboola, ndiyanda kuti ndikamutondezye Bbaibbele mpolyaamba kuti Leza uyoopilusya paradaiso anyika.” Amwaabile broshuwa akwaamba kuti muyoopilukila.
Nomwapilukila, inga mwaamba kuti:
“Nindaaswayide ndakaamba kuti Leza ulijisi makanze aakuti bantu kabapona muparadaiso anyika kukabe kutamani. [Amubatondezye alimwi cifwanikiso cili amapeeji 20-1.] Amubone kuti Jesu, Petro alimwi a Davida bakaamba zya Paradaiso.” Amubaambile babweze broshuwa yabo. Mpoonya bavwunune kupeeji 21-2 akulanga mincali 10-13. Amubaambile bubambe bwaciiyo ca Bbaibbele naa kwaamba kuti muyoopilukila kutegwa mukalange kamwi katutwe tuli apeeji 29-30.
**********
Sikumwaya mukubusi inga waamba kuti:
“Bantu banji bamusela wangu tabazyi cini ciyoocitika kumbele. Sena muyeeya kuti buumi bunooli kabotu kuzyalani liboola? [Lindila bwiinguzi.] Ibbaibbele lyaamba zya buumi bubotu cini-cini mbobayoopona bantu boonse. [Batondezye cifwanikiso cili apeeji 31 mubroshuwa akubala mabala aasindikizya cifwanikiso. Mpoonya bala 2 Petro 3:13.] Broshuwa eeyi ilijisi makani ajatikizya zilongezyo Leza nzyayoopa bantu. [Batondezye tutwe tulembedwe mumabala aasisya tuli amapeeji 29-30 akwaabila broshuwa.] Ndiyanda kuti ndikamuswaye alimwi kutegwa ndikamwaambile cisyomezyo ca Leza kujatikizya mbwayoomanizya nkondo zyoonse.” Baambile kuti uyoopilukila.
Waakupilukila, inga waamba kuti:
“Nindakamuswayide, ndakaamba kujatikizya makanze a Leza aakupilusya paraidaiso anyika. [Alimwi batondezye cifwanikiso cili apeeji 31.] Ndiliyandinde kuswiilila ncomuzyi kujatikizya makanze a Leza aakumana nkondo zyoonse.” Baambile kuti babweze broshuwa yabo. Mpoonya mubale akubandika mincali 3-6 apeeji 29. Baambile kuti uyoopilukila kutegwa mukalange mincali 7-8.
**********
Nomubeleka amwana, bapati inga balizyibya akwaamba kuti:
“________ uyanda kumutondezya cifwanikiso cimwi akumubalila lugwalo luzwa mu Bbaibbele. [Mwana abatondezye cifwanikiso cili apeeji 31 akubala mabala aasindikizya cifwanikiso mpoonya wabala Ciyubunuzyo 21:4.] Ibroshuwa eeyi ilapandulula ncayoocita Leza kumapenzi aatusikila sunu. [Mubufwaafwi amupandulule tutwe tulembedwe mumabala aasisya tuli amapeeji 29-30 akwaabila broshuwa.] Twaakupilukila ndiyanda kuti ndikamutondezye ncolyaamba Bbaibbele kujatikizya mbwayoomana mapenzi oonse mubuumi.”
Nomupilukila, bapati inga baamba kuti:
“Mumubandi ngotwakajisi nitwakamuswayide, ndakaamba kuti ndaali kuyanda kuti ndimutondezye ncolyaamba Bbaibbele kujatikizya mbwayoomana mapenzi oonse mubuumi. Amubone cilembedwe waawa.” Amubaambile babweze broshuwa yabo. Mpoonya amulange mincali 9-14 apeeji 29. Amubaambile bubambe bwaciiyo ca Bbaibbele naa kwaamba kuti muyoopilukila kutegwa mukalange mincali 15-17.
Mabroshuwa Aakalembelwa Bantu Bazikombelo Zitali zya Bunakristo
“Amubone! Ndalengulula Zintu Zyoonse Zibe Zipya”
Inga mwaamba boobu kubapati iba Bbuda:
“Ambweni andinywe mulilibilikide mbuli ndime akaambo kamaano mabi ngobali mukwiiya ibana besu sunu alimwi ambwaabacita kuti babe. Nkaambo nzi ikutalilemeka ncokwavwulila akati kabana baniini? [Amulindile bwiinguzi.] Sena mulizyi kuti zintu eezyi zyakasinsimwa mubbuku ilyakatalikwa kulembwa kaindi kakutanatalikwa zikombelo zyaba Mozilemu, zya Banakristo azyaba Hindu? [Amubale 2 Timoteo 3:1-3.] Eezyi zintu zilacitika nokuba kuti bantu balayiya. [Amubale kapango 7.] Eeli bbuku lyakandigwasya kuteelela kasimpe bantu banji nkobatamvwisyi. Sena mulayanda kulibala?”—km 8/99 p. 8.
Lasting Peace and Happiness—How to Find Them
Nomukambaukila sicikolo mu Chainizi, inga mwaamba kuti:
“Icintu cipati ncindajana kuti basicikolo banji ncobabikkila maano nduumuno alukkomano. Sena uyeeya kuti eeci cilayandika? [Amulindile bwiinguzi.] Tee kayi cinookondelezya kubona majwi aaya akalembwa kaindi aakuzuzikizyigwa?” Amubale Intembauzyo 37:11, akwaabila broshuwa.—km 2/98 p. 5.
Our Problems—Who Will Help Us Solve Them?
Kumukubusi mu Hindu, inga mwaamba kuti:
“Tandidooneki pe kuti ulasyoma muli Leza. Ino uyeeya kuti Leza ujisi makanze nzi kulindiswe? [Amulindile bwiinguzi. Mpoonya mubale Matalikilo 1:28.] Mumasena manji, inyika ijisi bantu banji kapati alimwi izwide mapenzi. Sena uyeeya kuti Mulengi inga kalisungwide kutugwasya kumanizya mapenzi esu? Amulindile bwiingizi. Mpoonya amwaabile broshuwa.—km 9/99 p. 8.
The Guidance of God—Our Way to Paradise
Nomwaambaula amu Mozilemu, inga mwaamba kuti:
“Ndiyaabubandika aba Mozilemu. Ndizyi kuti ba Mozilemu basyoma muli Leza wakasimpe omwe buyo alimwi abasinsimi boonse. Tee mbombubo? [Amulindile bwiinguzi.] Ndiyanda kuti ndibandike andinywe kujatikizya businsimi bwansiku ibwakasinsima kuti kuyakuba kusandulwa kwa nyika eeyi kuti ikabe paradaiso. Sena inga ndamubalila ncaakalemba musinsimi? [Amulindile bwiinguzi. Mpoonya mubale Isaya 11:6-9.] Ibusinsimi oobu bundiyeezya kuzubululwa kumwi ikuli mu Koran ikujanwa mubroshuwa eeyi.” Amujule kupeeji 9 akubala kuzubululwa kulembedwe mumabala aasisya. Ikuti naa muntu ooyo watondezya luyandisyo, amuzumanane kubandika kwiinda mukubala mincali 7-9 apeeji limbi.—km 11/99 p. 8.
Why Should We Worship God in Love and Truth?
Nzila eeyi inga yamukkomanisya mu Hindu uujisi mukwasyi:
“Ndiyaabuswaya bantu ibabikkila maano kubukkale bwamu mukwasyi mumasi manji sunu. Ino muyeeya kuti ncinzi cinga cagwasya kukamantanya mukwasyi? [Amulindile bwiinguzi.] Bantu bamwi balizyi ncaamba magwalo aaci Hindu kujatikizya mukwasyi, pele tabanajanide ciindi cakweezyanisya ncolyaamba Bbaibbele kumakani aaya. Kuli makani ngondiyanda kumwaambila. [Amubale Ba-Kolose 3:12-14.] Broshuwa eeyi ilalanga-langa malembe aasalala aku India alimwi aa Bbaibbele.” Amwaabile broshuwa akupandulula zili amapeeji 8-9 alimwi a 20-1.—km 9/99 p. 8.
Will There Ever Be a World Without War?
Nomukambaukila mu Juda, inga mwaamba kuti:
“Ibunji bwesu tulibuzyi buumba buboola akaambo kakufwidwa muyandwa wesu. Ino muyeeya kuti ncinzi cicitika twafwa?” Amulindile bwiinguzi. Mpoonya amumutondezye kabbokesi kali apeeji 22 mubroshuwa kajisi mutwe wakuti: “Death and the Soul—What Are They?” Amubale muncali 17 apeeji 23 kujatikizya bubuke. Amwaambe kuti syaanene wakaindi Jobu wakalijisi bulangizi bwabubuke. Amwaabile broshuwa akwaamba kuti muyoopilukila kutegwa mukabandike magwalo atondezyedwe kumamanino amuncali 17.—km 10/99 p. 8.