Mulongo wa Miswaangano ya Mulimo

Nsondo Iitalika mu November 14

Lwimbo 220

10 min: Zyakwaambilizya zyambungano. Zyakwaambilizya zisalidwe mu Mulimo Wesu wa Bwami. Amubelesye nzila zili apeeji 4 (ikuti kazigwasya mucilawo canu) kutondezya mbomunga mwaabila Ngazi Yamulindizi ya December 1. Nzila zimwi zigwasya inga zyabelesyegwa. Mucitondezyo acimwi amutondezye nzila ziimpene mbomunga mwazumanana kwaambaula asikutyompya mubandi waamba kuti “Tandiyandi makani aabukombi.”—Amubone bbuku lya Kukambitsirana, mapeeji 16-17.

15 min: Kusanga Ikukkomanisya Leza. Makani akananwe amwaalu kuzwa mubbuku lya Bakamantene Mukucita Kuyanda kwa Jehova, mapeeji 127-133.

20 min: “Amwaambilizye Bulemu bwa Jehova.”a Nomubandika muncali 4, amubatambe baswiilizi kwaamba mubufwaafwi zyakuluula zitondezya kulilemeka kabotu mbokukonzya kuleta coolwe cakupa bumboni.

Lwimbo 24 amupailo wakujala.

Nsondo Iitalika mu November 21

Lwimbo 40

10 min: Zyakwaambilizya zyambungano.

20 min: Ciindi Luyando lwa Leza Noluyoocitwa Anyika. Makani akananwe amwaalu kuzwa mu Ngazi Yamulindizi ya May 1, 2004, mapeeji 5-6.

15 min: “Amubabikkile Maanu Ibamwi—Kwiinda Mukulangisisya.”b Amubikkilizye citondezyo casikumwaya uuli mukulangilila cimwi cintu cimugwasya kuzyiba zintu nzyakkomanina mwiniŋanda mpoonya wacinca makani kweelana azyeezyo.

Lwimbo 67 amupailo wakujala.

Nsondo Iitalika mu November 28

Lwimbo 7

12 min: Zyakwaambilizya zyambungano. Amubale lipooti yankomwi yamali alugwalo lutondezya kuti mali aakasangwa akatambulwa. Amubayeekezye basikumwaya kupa malipooti amulimo wamumuunda amu November. Kwiinda mukubelesya nzila zili apeeji 4 (ikuti kazigwasya mucilawo canu), amutondezye mbomunga mwaabila Ngazi Yamulindizi ya December 1. Nzila zimwi zigwasya inga zyabelesyegwa. Amwaambe abubambe bwakusanga.

15 min: “Kamuciya Buyakana.”c Amutambe baswiilizi kuluula mbuli mbobakagwasyigwa akubikkilwa maano kwabamwi.

18 min: Kukambauka Makani Mabotu mu December. Makani amubandi abaswiilizi. Mumakani aamatalikilo aa maminiti osanwe, amulange-lange mubufwaafwi twaambo tuccilila kuzwa mucibalo cakuti, “Mbomukonzya Kubelesya Nzila zya Citondezyo,” mu Mulimo Wesu wa Bwami wa January 2005 apeeji 8: (1) Tunoocita kabotu kuti nzila eezyi zyacitondezyo katuzyaamba mumajwi eesu. (2) Cabusongo tweelede kucinca mubandi wesu kweelana ambubazyibona zintu ooko kubusena. (3) Tweelede kububikka mumizeezo bukkale ambubayeeya bantu bali mucilawo cesu. (4) Tweelede kucibala kabotu cibalo eeco ncotukanza kubandika alimwi tweelede kuyandaula twaambo tukonzya kubakkomanisya. (5) Tatuyandiki buya kuti lyoonse katubelesya nzila zilembedwe zyacitondezyo. Mwamana amubandike mbotubelesyegwa twaambo ootu mukwaabila mabbuku mumwezi wa December. Mulakonzya kubelesya nzila zyacitondezyo zili mupepa lyamukati lyamu Mulimo Wesu wa Bwami wa January 2005 naa izimwi zibeleka mucilawo. Amutondezye citondezyo comwe naa zyobile.

Lwimbo 123 amupailo wakujala.

Nsondo Iitalika mu December 5

Lwimbo 38

10 min: Zyakwaambilizya zyambungano.

15 min: Ziyandika zyambungano.

20 min: “Mulimo Wesu Nzyouzuzikizya.”d Nomubandika muncali 5, amubikkilizye twaambo tuli mu Ngazi Yamulindizi ya March 1, 2004, peeji 32.

Lwimbo 26 amupailo wakujala.

Bupanduluzi buyungizidwe