Mulongo Wa Miswaangano Ya Mulimo

Nsondo Iitalika mu December 12

Lwimbo 32

10 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu wa Bwami. Amubelesye nzila zili apeeji 8 (ikuti kazigwasya mucilawo cenu) kutondezya mboikonzya kwaabilwa Ngazi Yamulindizi ya January 1. Nzila zimwi zigwasya inga zyabelesyegwa. Camana citondezyo acimwi, amwaambe mbuli lugwalo mbolukonzya kubikkilizyigwa mucitondezyo munzila nguba-uba.

15 min: “Icikolo Citugwasya Kucita Nzyotwiiya.” Makani aayoobandikwa amulangizi wacikolo. Amubikkilizye atwaambo tuli mupepa lyamukati lya Mulimo Wesu wa Bwami wa October 2005.

20 min: “Lwiiyo Lusololela Kubuumi.”a Amulibambile kakucili ciindi kutegwa omwe naa bobile bakaambe mbobagwasyigwa mukwiiya zijatikizya Leza kwiinda mumbunga yakwe.

Lwimbo 101 amupailo wakujala.

Nsondo Iitalika mu December 19

Lwimbo 160

5 min: Zyakwaambilizya zyambungano. Amwaambe bubambe bwaalubazu bwamulimo wamumuunda uuya kucitwa mu December 25 amu January 1. Amubayeezye boonse kuti bakaletelezye Awake! ya January 2006 (ooko nkobaitambula) ku Muswaangano wa Mulimo wansondo iiboola.

15 min: “Amubabikkile Maanu Ibamwi—Kwiinda Mukucinca Makani Kweelana Abukkale.”b Amubikkilizye acitondezyo cifwaafwi citondezya mbuli sikumwaya mbwakonzya kwaacinca makani kweelana amakani aajisi uuli aŋanda.

25 min: “Sena Mwanaanu Ulakonzya Kusala Cabupati?”c Akananwe amwaalu. Muncali aumwi ubalwe cakupozya amukwesu uucizyi kabotu kubala. Amubandike magwalo oonse aabikkidwe. Mwamana kulanga-langa muncali 2, amweezyanisye bukkale bwabakubusi bobile baambidwe mumincali 16-17 abwabaabo ibali mukabbokesi amapeeji 16-17 mu Ngazi Yamulindizi ya June 15, 1991. Kumamanino, amukulwaizye bazyali kwiinduluka cibalo coonse eeco cili mu Ngazi Yamulindizi alimwi cakufwambaana bakacibandike akuciinduluka muzitondezyo abana babo kujatikizya mulawo wamu Bbaibbele uujatikizya bulowa, kutegwa bacikonzye kwaamba cakusinizya eezyo nzyobasyoma. Mitwe yamukwasyi yeelede kuba masimpe kuti mwana uuli oonse uubbapatizyidwe ulijisi kkaadi ya Advance Medical Directive/Release alimwi akuti mwana aumwi uutabbapatizyidwe ulijisi kkaadi iitegwa Identity Card. Ciindi coonse umwi nali mumalo mucibbadela alimwi nokwabuka makani aajatikizya kubikkwa bulowa, baalu beelede kuzyibya bamu Hospital Liaison Committee bali mucilawo cabo kutegwa babagwasye.

Lwimbo 56 amupailo wakujala.

Nsondo Iitalika mu December 26

Lwimbo 85

10 min: Zyakwaambilizya zyambungano. Amubale lipooti yankomwi zyamali amagwalo aatondezya kuti mali aakasangwa akatambulwa. Amubayeezye basikumwaya kuti bape malipooti aamumulimo wamumuunda aamu December. Ikuti naa muyoocinca ciindi cakuswaangana mumbungano yenu mumwaka mupya, amwaambilizye ziindi zipya nokunooswaanganwa. Amwaambe mabbuku aakumwaya mu January, alimwi amutondezye mpozijanwa nzila zinga zyabelesya.

15 min: Ziyandika zyambungano.

20 min: Bubambe Bupya bwa Awake! Makani amubandi abaswiilizi. Ooko mbungano nkozitatambuli Awake! amwezi, cibalo cakuti “Kwabikkilwa Maanu Kapati aa Bbaibbele!” icili mu Mulimo Wesu wa Bwami wa March 2005 ceelede kubandikwa. Ooyo uujisi cibeela eeci ulakonzya kupandulula bubambe bupya bwa Awake! mbuli mbokutondezyedwe mumakoma ansi aawa. Baalu beelede kubikkila maanu kapati kutondezya mbuli mboigwasya Awake! kumikwasyi ya Banakristo abantu bamucilawo. Mpoonya mulakonzya kooda makkopi mumyaambo iiliko mukooda kwenu kwaamwezi). Amwaambe kucinca kwacitwa mu Awake! kwakaambilizyigwa mu Mulimo Wesu wa Bwami wa March 2005, apeeji 1 mincali 5-6. Amubikkilizye atwaambo tuli mucibeela cakuti “To Our Readers” mu Awake! ya January 2006, mapeeji 3-4. Amutondezye zikozyanyo zyambuli magazini eeyi cakutainda mumbali mboigamika basikubala ku Bbaibbele. (Magazini yamu January ilapandulula kuzwa mu Magwalo: Mbuli mapenzi manji aacitikila bantu mazubaano mbwaakatalika akaambo kakubisya kwabazyali besu bakusaanguna; Kuti mapenzi aacitika mazubaano azuzikizya businsimi; Mbuli Bwami bwa Leza mbobupa lugwasyo lwini-lwini kumapenzi aacitikila bantu; Mbuli bana basyoonto mbobakonzya kuleka kutyompwa; Kuti Bbaibbele nolyaamba zyasayaansi atwaambo ntobabikkila maanu bantu abuumi bwakumbele, lililuzi alimwi lilagwasya.) Amubalombe baswiilizi kuti baambe bubambe bupya buli apeeji 31. (Cibalo eeci cijisi mutwe wakuti: How Would You Answer? cibambilidwe kukulwaizya kutola lubazu kwamubali kwiinda mumibuzyo iipa kukkala ansi kuyeeya. Cilakonzya kubelesyegwa kaili ntalisyo yamubandi wamu Bbaibbele wamumukwasyi naa wamunkamu.) Tuyoozumanana kwaabila Ngazi Yamulindizi aantoomwe a Awake! mukuswaya kwakusaanguna. Pele tuyooabila buyo magazini yomwe ya Awake! kuli baabo mbotutolela mamagazini abambi baabala lyoonse. Kubelesya nzila zili apeeji 8 (ikuti kazibeleka mucilawo cenu), amutondezye mbuli mboikonzya kwaabilwa Ngazi Yamulindizi ya January 1 alimwi a Awake! ya January. Nzila zimwi zigwasya inga zyabelesyegwa. Mulimo Wesu wa Bwami wa January uya kubikkilizya nzila yabili yakwaabila Awake! ya January kwiinda mukubelesya comwe cazibalo zyamukati. Nzila zyoonse zyobile zilakonzya kubelesyegwa mumwezi woonse.

Lwimbo 222 amupailo wakujala.

Nsondo Iitalika mu January 2

Lwimbo 5

10 min: Zyakwaambilizya zyambungano. Amubandike zili mukabbokesi kakuti “Zilongezyo Zijanwa Mukumumvwida Leza.”

15 min: “Atwaabelesye Kabotu Mabbuku Eesu Aamba zya Bbaibbele.”d Amubikkilizye atwaambo tuli mu Mulimo Wesu wa Bwami wa September 2002, peeji 1.

20 min: “Jehova Upa Kuti Bantu Bakwe Bazwidilile.” Mubandi abaswiilizi, mincali ilakonzya kubalwa kuti ciindi kaciliko. Nomubandika muncali 8, amubakulwaizye baswiilizi ikwaamba mbotukonzya kutondezya kulumba kumaanda mabotu aaya aasumpula bukombi bwakasimpe. Ikujatikizya mbungano zyaabilidwe kubelesya Ŋanda ya Miswaangano Mipati yamu Lusaka: Twamulomba kulanga-langa kusanga kwaamwezi kwambungano kujatikizya mali aakubambuluzya. Ikuti kusala kucitwa ambungano kupya kakuyandika, amubone kuti kwacitwa kumamanino aacibeela eeci. Ikkopi iisainidwe yeelede kutuminwa ku Ofesi lya Mutabi.

Lwimbo 48 amupailo wakujala.

Bupanduluzi buyungizidwe