Zyakwaambilizya
◼Mabbuku aakumwaya mu December: Amwaabile bbuku lya Muntu Mupati Kwiinda Iwakaponede. Ikuti kalitako mumbungano, mulakonzya kubelesya bbuku limbi mbuli lya Baibulo—Kodi Ndilo Mawu a Mulungu Kapena a Muntu?, Ibbuku Lyangu Lyamakani Aa-Bbaibbele, naa lya Mulakonzya Kupona Kukabe Kutamani mu-Paradaiso Anyika ikuti kaliliko mumbungano. January: Imabbuku ali woonse aamapeeji aali 192 naa aakamwaigwa kautanasika mwaka wa 1991 alakonzya kumwaigwa. Imbungano zijisi bbuku lya Mankind’s Search for God zilakonzya kulibikkilizya amabbuku aamwaigwa. Ikuti bali aŋanda balikaka bbuku limwaigwa, amubaabile broshuwa ya Amulangile Lyoonse! February: Ibbuku lya Amubaa Cilongwe a Jehova liyakumwaigwa. Imbungano zitajisi bbuku eeli zilakonzya kubelesya bbuku lya Revelation Climax naa bbuku lili lyoonse lya kaindi lilundene. March: Amwaabile Bbuku lipya lyakuti Ino Ncinzi Cini Bbaibbele Ncoliyiisya? Amusolekesye kutalisya ziiyo zya Bbaibbele.
◼ Tupepa Twakutamba bantu ku Ciibalusyo camu 2006 tuyakutuminwa kumbungano imwi aimwi mumwaambo uubelesyegwa. Ikuti myaambo imwi kaibelesyegwa kulubazu lwanu alimwi kamuyanda tupepa twakutamba bantu mumyaambo eeyo, mweelede kooda cakufwambaana kwiinda mukubelesya Foomu Yakulombela Mabbuku (S-14). Imyaambo motulembedwe Tupepa Twakutamba bantu ku Ciibalusyo njeeyi: Chingisi, Chitonga, Chichewa, Chibemba, Chikaonde, Chilubale, Chilozi a Chiswahili. Amulombe buyo myaambo eeyo iiyandika kulubazu lwanu.
◼ Ciibalusyo camu 2007 ciyakucitwa mu Muhulo, April 2, lyaakubbila zuba. Twamuzibisizya limwi kutegwa bakwesu baswaanganina mu Ŋanda ya Bwami iibelesyegwa ambungano zinji batalikile limwi kulomba masena aambi mobatiikaswaanganine. Ibaalu beelede kuzuminizyanya abeendelezi bamasena aayo kutegwa kutakabi zintu zinyonganya ziyoocitilwa mumasena aayo kucita kuti Ciibalusyo cikacitwe kabotu alimwi muluumuno.
◼ Mbouli muswaangano uuyandika kapati, ikabunga kabaalu keelede kusala mwaambi wamakani aa Ciibalusyo, keelede kusala umwi wabaalu weelela muciindi cakwiide kucincana naa kubelesya mukwesu omwe amwaka. Ikuti kakuli mwaalu umwi wabananike uukonzya kukanana makani inga wasalwa.