Kwiinduluka Kwamu Cikolo Camulimo Weendelezyegwa A Leza
Mibuzyo iitobela iyoobandikwa mu Cikolo Camulimo Weendelezyegwa a Leza munsondo iitalika mu February 27, 2006. Mulangizi wacikolo uyooyendelezya mubandi wakwiinduluka wamaminiti aali 30 kujatikizya makani aakabandikwa kuzwa munsondo iitalika mu January 2 kusikila munsondo iitalika mu February 27, 2006. [Malailile: Kujatikizya mibuzyo iitajisi bbuku litondezya nkobujanwa bwiinguzi, mweelede kuvwuntauzya kutegwa mujane bwiinguzi.—Amubone bbuku lya Cikolo Camulimo, pp. 36-7.]
ZIBEELA ZYAKUKANANA
1. Muunzila nzi Cikolo Camulimo Weendelezyegwa a Leza mbocitugwasya kuti ‘tupaile kuli Leza cipaizyo cakulumba alimwi akulumba izina lyakwe’? (Heb. 13:15) [be p. 5 munc. 3–p. 6 munc. 1]
2. Nkaambo nzi ncotuyandika kusoleka kapati kubala munzila iiluzi? [be p. 83 minc. 1-5]
3. Notwaambaula alimwi akuyiisya, nkaambo nzi kwaambaula munzila iimvwika ncokuyandika kapati? [be p. 86 minc. 1-6]
4. Nkaambo nzi ncokuyandika kwaamba mabala mbwaayelede, alimwi ntwaambo nzi tweelede kubikkilwa maano? [be p. 89 munc. 1–p. 90 munc. 2, kabbokesi]
5. Ninzila nzi zimwi zikonzya kutugwasya kuti tuyaambele mukupasaula kukanana? [be p. 94 minc. 4-5, kabbokesi]
MAKANI NA. 1
6. Ino mbunga ya Leza yeendelezyegwa buti? [od p. 6 munc. 3]
7. Ino ikuzyiba kuti Jehova ulijisi mbunga yakujulu kweelede kutukulwaizya kucita nzi? [od p. 8 munc. 2]
8. Ncinzi cibikkilizyidwe mukweenda antoomwe ambunga ya Jehova? [od p. 9 munc. 4]
9. Mbuti Jesu Kristo mbwabeleka kali silutwe wambunga iilibonya ameso anyika? [od p. 12 munc. 2]
10. Mbwaanga Jesu Kristo ngo Musololi alimwi a Silutwe wabantu ba Leza mazuba aano, mbuti mbotukonzya kutondezya kuti tuluuzi mulimo ngwajisi mububambe bwa Leza? [od p.13 munc. 2-p. 14 munc. 1]
KUBALA BBAIBBELE KWANSONDO ANSONDO
11. Sena baange ibakapilukide kucisi cokwabo bakalijisi Urimu a Tumimu izyakali kubelesyegwa nokwakali kuyandika bwiinguzi kuzwa kuli Jehova? (Ezr. 2:61-63)
12. Nkaambo nzi ibunji bwaba Juda mu Bbabbuloni ncobakali kuwaya-waya kuya ku Jerusalemu antoomwe a Ezara? (Ezr. 7:28–8:20)
13. Mbuti mulimo wakuyakulula bulambo mbowakali kunga wacitwa ajanza lyomwe buyo? (Neh. 4:17, 18)
14. Mbwaanga magwalo aakajisi makani aamaseseke kanji-kanji akali kubikkwa mucibbeeke icakali kusinkwa, nkaambo nzi Sanibalati ncaakatumina “lugwalo lutasinkidwe” kuli Nehemiya? (Neh. 6:5)
15. Kunze ‘lyakubapa mulandu’ bama Juda ibakazangide mbuli mbwaakacitide kusaanguna kuli basilutwe abalupati-pati, nintaamu nzi azimbi Nehemiya nzyaakabweza kululamika zintu? (Neh. 13:25, 28)