Mulongo Wa Miswaangano Ya Mulimo

Nsondo Iitalika mu March 13

Lwiimbo 41

10 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu wa Bwami. Kubelesya nzila zili apeeji 8 naa nzila zimwi zigwasya mucilawo cenu, amutondezye mboikonzya kwaabilwa Ngazi Yamulindizi ya April 1 alimwi a Awake! ya March. Kumamanino aacitondezyo acimwi, sikumwaya weelede kutamba uuli aŋanda ku Ciibalusyo kwiinda mukubelesya peeji 32 ya magazini iimwaigwa.

15 min: “Amugwasye Bamwi Kuti Bagwasyigwe a Cinunuzyo.”a Cibeela citobela makani aaya cilalanga-langa mbotukonzya kubelesya mapeeji 206-208 aabbuku lya Bbaibbele Ncoliyiisya notutamba bantu ku Ciibalusyo.

20 min: Mulalilo wa Mwami—Ncilengwa Cimupa Bulemu Leza. Mubandi wakubuzya akwiingula kuzwa amapeeji 206-208 aabbuku lya Bbaibbele Ncoliyiisya. Mumajwi aantalisyo aatasiki kuminiti yomwe, amutondezye mbuli kaambo mbokakonzya kutalisyigwa kuli uuli aŋanda kwiinda mukubala muncali wakusaanguna. Mpoonya kakunyina kubala mincali buya, amubalombe baswiilizi kwiingula mibuzyo iitobela: (munc. 2) Ndilili Jesu naakacitalisya Ciibalusyo calufwu lwakwe? (munc. 3) Nziindi zyongaye Mulalilo wa Mwami noweelede kucitwa? (munc. 4) Ino Bbaibbele licipandulula buti Ciibalusyo? (munc. 5) Ino tuzyi buti kuti Jesu tanaakasandula mukamu kuba mubili wakwe wini-wini awaini kuba bulowa bwakwe bwini-bwini? (munc. 6) Ino mukamu uutajisi bumena wiiminina nzi? (munc. 7) Ino waini uusubila wiiminina nzi? (munc. 8) Ino mbaani balikke beelede kulya mukamu akunywa waini? (munc. 9) Ndilili Ciibalusyo nocicitwa amwaka, alimwi nkaambo nzi ncotweelede kujanikila? Amubandike magwalo aajisi twaambo tupati-pati ikuti ciindi kacizumizya. Amubakulwaizye boonse kutulanga-langa twaambo ootu aantoomwe abasikwiiya Bbaibbele abamwi mbobatamba ku Ciibalusyo kwiinda mukubala mincali, kubandika twaambo tupati-pati akubelesya mibuzyo myuuba-uba, mbuli yeeyi iibikkidwe mucibeela eeci.

Lwiimbo 134 amupailo wakujala.

Nsondo Iitalika mu March 20

Lwiimbo 18

15 min: Zyakwaambilizya zyambungano. Amutwiinduluke twaambo tupati-pati kuzwa mukabbokesi kakuti “Ziyeezyo zya Ciibalusyo.” Amubelesye maminiti aali otatwe naa one ikulailila akutondezya nzila zyakubelesya kapepa kakutamba ku Ciibalusyo. Amuziinduluke nzila zili mu Mulimo Wesu wa Bwami wa February 2006, peeji 3, muncali 3.

15 min: “Lugwalo Luzwa ku Kabunga Keendelezya.” Mubandi wamukwasyi. Balanga-langa twaambo imukwasyi ncoweelede kubona mulimo wamumuunda kuba cintu ceelede kucitwa ansondo mwalo boonse mobeelede kutola lubazu. Bausyi bamanizya kwiinda mukukulwaizya mukwasyi kutelaika twaambo tubotu tuli mulugwalo luzwa ku Kabunga Keendelezya.

15 min: Kuyumizyigwa Kwiinda Mukulingaula Magwalo Abuzuba. Makani alimwi acitondezyo kuzwa mumakani mataanzi aali mukabbuku ka Kulingaula Magwalo Abuzuba—2006. Amulibambile citondezyo camukwasyi uulanga-langa lugwalo lwabuzuba bwasunu alimwi akupa bwiinguzi.

Lwiimbo 103 amupailo wakujala.

Nsondo Iitalika mu March 27

Lwiimbo 44

Malailile: Imbungano tazyeelede kuba a Muswaangano wa Mulimo wamunsondo iitalika mu March 27 kaitanasika nsondo eeyo, ccita kuti kaili nsondo njaswaya mulangizi wabbazu. Mumbungano aimwi, pepa lyamukati lyamuswaangano wacooko lyeelede kulangwa-langwa lya Muswaangano wa Mulimo kweelana amulongo uupedwe. Ikuti kakuli muswaangano wabbazu nsondo eeyi, balangizi baciiyo cabbuku beelede kwaambilizya ooko nkobacitila ziiyo zyabbuku kujatikizya muswaangano wacooko nkuuya kucitilwa alimwi amazuba nuuya kucitwa.

10 min: Zyakwaambilizya zyambungano. Amubayeezye basikumwaya kuti bape malipooti aamulimo wamumuunda aamu March. Amubale lipooti yankomwe yamali alugwalo lutondezya kuti mali aakasangwa akatambulwa. Kubelesya nzila zili apeeji 8 naa zimwi zigwasya mucilawo cenu, amutondezye mboikonzya kwaabilwa Ngazi Yamulindizi ya April 1 a Awake! ya April. Alimwi amutondezye mbokakonzya kubelesyegwa kapepa kakutamba kasimbidwe ikutamba baabo bajisi luyandisisyo ku Ciibalusyo.

20 min: “Muswaangano Wacooko Wamu 2006 wa ‘Lufwutuko Luli Afwaafwi’ wa Bakamboni ba Jehova.”b Akananwe amulembi wambungano. Mwamana kulanga-langa muncali 1, amubale lugwalo lwamu March 15, 2006, lwaamba nkomweelede kuyooswaanganina lya muswaangano wacooko. Amubakulwaizye boonse kutalika kulibambila zyamuswaangano wacooko cakufwambaana mbuli mbobakonzya.

15 min: Zyakuluula zyambungano. Amubalombe baswiilizi kwaamba zyakabacitikila mukumwaya bbuku lya Bbaibbele Ncoliyiisya mu March. Amwaambe ziiyo zya Bbaibbele zyakatalisyigwa. Zyakuluula ziyandika kapati zyobile naa zyotatwe zilakonzya kwiindulukwa.

Lwiimbo 170 amupailo wakujala.

Nsondo Iitalika mu April 3

Lwiimbo 199

15 min: Zyakwaambilizya zyambungano. Amuciinduluke mubufwaafwi cibalo cijisi mutwe wakuti “Amucikkomanine Ciiyo Cesu Cabbuku lya Ino Ncinzi Cini Bbaibbele Ncoliyiisya?” icili apeeji 6 lya Mulimo Wesu wa Bwami wa February 2006. Amuubandike mulongo waciiyo cabbuku lya Bbaibbele Ncoliyiisya. Alimwi amutondezye mbokakonzya kubelesyegwa kapepa kakutamba kasimbidwe ikutamba baabo bajisi luyandisisyo ku Ciibalusyo.

10 min: Ziyandika zyambungano.

20 min: “Amuyiisye Babombemyoyo Kweenda Munzila ya Leza.”c Amubikkilizye atwaambo kuzwa mu Ngazi Yamulindizi ya July 1, 2004, peeji 27, muncali 9.

Lwiimbo 93 amupailo wakujala.

Bupanduluzi buyungizidwe