Zyakwaambilizya
◼ Mabbuku aakumwaya mu March: Amwaabile bbuku lipya lya Ino Ncinzi Cini Bbaibbele Ncoliyiisya? Amusolekesye kutalisya ziiyo zya Bbaibbele. April a May: Amwaabile Ngazi Yamulindizi a Awake! Ciindi nomupilukila kubantu bakatondezya luyandisisyo, ikubikkilizya abaabo ibajanika ku Ciibalusyo naa kumiswaangano imwi yeendelezyegwa a Leza pele ibataswaangani lyoonse ambungano, amubikkile maano ikubaabila bbuku lipya lya Ino Ncinzi Cini Bbaibbele Ncoliyiisya? Imbaakani yeelede kuba yakutalisya ciiyo ca Bbaibbele mubbuku eeli. June: Amwaabile bbuku lya Amwiiye ku Mwiiyi Mupati. Ikuti bali aŋanda baamba kuti tabajisi bana, amubaabile bbuku lya Lukkomano Mumukwasyi.
◼ Mbwaanga mwezi wa April ujisi nsondo zyosanwe, unooli mwezi mubotu wakucita bupainiya bwakugwasyilizya.
◼ Ciibalusyo ciyoocitwa muli Bwatatu, April 12, 2006. Ikuti mbungano yenu kaicita miswaangano muli Bwatatu, eeyi yeelede kucitwa mubuzuba bumbi mumvwiki ikuti kaikonzya kubelesyegwa Ŋanda ya Bwami. Ikuti eeci kacitakonzyeki alimwi kacijatikizya Muswaangano wa Mulimo wenu, zibeela zigwasya kapati kumbungano yenu inga zyabikkilizyigwa mu Muswaangano wa Mulimo wamunsondo iimbi.
◼ Mbungano zijisi Maanda aa Bwami aayakidwe mumasena aali afwaafwi adolopo alimwi aajisi pepa liitwa kuti Land Record, Title Deed naa Occupancy License, zyayeezyegwa kujatikizya mulawo wakubbadela Ground Rent ku Kkansulo yankozizulilwa. Mmukuli wambungano aimwi kulemeka mulawo ‘wakupa Kaisara nzyayelede,’ ikweelede kubikkilizyigwa kumali abelesyegwa ambungano lyoonse. (Rom. 13:6, 7.) Kubbadela kwaku Kkansulo mbungano nkoitakonzyi kupa nkwa Property Rate, mbuli mbokwakaambilizyigwa mu Mulimo Wesu wa Bwami wa April 2005.
◼ Watchtower Library Yamu 2005: Mbuli mbokwakaambilizyigwa mu Mulimo Wesu wa Bwami wa July 2005, kutalikila lino eeyi inootuminwa buyo amwaka. Inoojisi mulongo wamabbuku aakamwaigwa kuzoosikila mumwaka wa 2005. Kuyungizya waawo, iyoobikkilizya azibeela zyobile zipya. Cakusaanguna cibikkilizya lugwalo lwabuzuba kuzwa mukabbuku ka Kulingaula Magwalo Abuzuba alimwi amulongo wa Cikolo Camulimo Weendelezyegwa a Leza. Ciindi coonse nomujalula Watchtower Library, cintu cakusaanguna kulibonya akkompyuta lunooli lugwalo lwabuzuba oobo alimwi abupanduluzi bwalugwalo buzwa mukabbuku ka Kulingaula Magwalo Abuzuba. Aansi aaceeci kuyooba mulongo wamakani wamu Cikolo Camulimo Weendelezyegwa a Leza wansondo eeyo. Cibeela cabili kunooli kweelanya. Kusaanguna mwalikukonzya kubikka akubelesya ma Watchtower Library obile naa aainda aawo mumyaambo yiindene-indene, mucikozyanyo Cingisi a Cisipanisyi, pele eezyo tiizyakali kweelana. Ino nzila eeyi mpya yakweelanya iyoomuzumizya kucita nzi? Ciindi nomubelesya myaambo yobile naa yiinda waawo iili mu Watchtower Library yamu 2005, mulakonzya kuvwuntauzya akujalula lugwalo mumwaambo omwe, eelyo lugwalo lweendelana luyakulibonya mum(y)waambo u(i)mwi. Eeci ciyoogwasya kuli aumwi uuzyi myaambo imwi oomo Watchtower Library moimwaigwa. Cibeela eeci ciyoobeleka buyo kumabbuku aamu 2005. Watchtower Library mpya eeyi tiinoobeleki amakkompyuta aabelesya pulogilamu ya Windows 95. Iyooyanda pulogilamu ya Windows 98, Millennium, NT, 2000, XP, naa iisumpukide kwiinda waawa. Mbungano zilakonzya kutalika lino kutumina maoda aa Watchtower Library—yamu 2005, iituminwa buyo Bakamboni ba Jehova. Iyootondezyegwa kuti aakale amulongo wamabbuku ngomutuminwa kusikila mane ikabewo.
◼ Malailile Kubeendelezi Bamabbuku a Balembi Bambungano: Nomubuzya bakumutabi kujatikizya mabbuku aatuminwa nkwateelede, twamulomba kuti kamulijisi pepa lyamulongo wamabbuku kuti kacikonzyeka. Ikuti naa mulembela baku ofesi lyamutabi, twamulomba kutumina kkopi yamulongo wamabbuku.