Kabbokesi Kamubuzyo

◼ Sena inga ceelela kuti mbungano yapanga bubambe bwakulima naa kuliminina mumyuunda naa nzila zimwi zyakujanina mali kutegwa mugwasye mbungano?

Cilidumide kumbunga zyabukombi kubamba nzila zyakujanina mali, mbuli kusambala cakulya naa zintu zimwi alimwi amapobwe. Nokuba kuti bamwi inga bayeeya kuti eezi zilacitwa akaambo kambaakani zibotu, zintu eezi ninzila zimwi zyakulombelela mali. Bakamboni ba Jehova tabajani lugwasyo lwamali munzila yamusyobo ooyu.

Magazini yabili ya Ngazi Yamulindizi, August 1879, yakaamba boobu kujatikizya kukaka kwesu kwakwiiya zikombelo alimwi akulombelela mali: “Tusyoma kuti magazini ya ‘Zion’s Watch Tower’ ijisi JEHOVA kuba ngomugwasyi wayo, alimwi mbokunga mbwaabede makani oobo kunyina noiyoolomba lugwasyo kuzwa kubantu. Ooyo Walo waamba kuti: ‘Ingolida ansiliva zyoonse zyamumalundu nzizyangu’ nayookakilwa kwaabila mali aayandika, tuyooziba kuti eeci nceciindi cakwiileka magazini.”

Tulazumanana kutobela njiisyo yamu Magwalo yakuti: “Umwi aumwi uleelede kupa mbuli mbwayanda mumoyo wakwe, kutabi cakunyonosya moyo nanka cakusinikizigwa, nkaambo oyu uupa calumwemwe nguuyandwa kwa-Leza.” (2 Kor. 9:7) Tubbokesi twakusangila tulibikkidwe mu Ŋanda ya Bwami kutegwa bantu kabakonzya kupa zyakusanga cakuliyandila ikuti kabayanda. (2 Bam. 12:9) Zyakusanga tazili zyakulombelela; alimwi tazipegwi amakanze aakuti muntu ajane cintu cimwi.—Alimwi amubone Kabbokesi Kamubuzyo kali mu Mulimo Wesu wa Bwami wa January 2000.