Zyakwaambilizya
◼ Mabbuku aakumwaya mu February: Amwaabile bbuku lya Amubaa Cilongwe a Jehova. Ikuti mbungano kaitajisi bbuku eeli, amubelesye bbuku lya Revelation Climax naa bbuku lyakaindi lili lyoonse lilundene. March: Amwaabile bbuku lya Bbaibbele Ncoliyiisya alimwi akusolekesya kutalisya ziiyo zya Bbaibbele. April a May: Amwaabile Ngazi Yamulindizi a Awake! Ciindi nomupilukila kubantu bakatondezya luyandisyo, ikubikkilizya abaabo ibajanika ku Ciibalusyo naa kumiswaangano imwi yeendelezyegwa a Leza pele ibataswaangani lyoonse ambungano, amusolekesye kubaabila bbuku lya Bbaibbele Ncoliyiisya kamujisi mbaakani yakutalisya ciiyo ca Bbaibbele.
◼ Balembi bambungano beelede kusinizya kuti balijisi Lugwalo Lwakusalwa kwa Mupainiya (S-202) lwa mupainiya waciindi coonse aumwi uuli mumbungano. Ikuti kabatajisi, beelede kubazibya bakuofesi yamutabi kwiinda mukubalembela lugwalo.
◼ Mulangizi weendelezya weelede kubuzya mulembi makani aaya: Sena kuli basikumwaya bakalonga kuzwa mumbungano caino-ino? Sena baalu bakumbungano ooko nkobakalongela bakazibisyigwa kutegwa basikumwaya aaba bakatambulwe kabotu akugwasyigwa abakwesu bakooko? Sena kuli basikumwaya bakalongela mumbungano yanu caino-ino? Sena mulembi wakamulembela mulembi wakumbungano nkobakazwa? Sena makkaadi aabo aalembelwa milimo yasikumwaya akatuminwa?
◼ Mulembi alimwi amulangizi wamulimo beelede kulanga-langa mulimo wabapainiya boonse baciindi coonse. Ikuti naa bamwi kabatakonzyi kusika amweelwe wamawoola uuyandika, baalu beelede kuba abubambe bwakubagwasya. Kutegwa mujane nzila mbomunga mwacicita eeci, amubale magwalo aa S-201 ngomulembelwa amwaka.
◼ Makani aabuleya aalubazu ciindi ca Ciibalusyo camu 2007 anoojisi mutwe wamakani wakuti “Mulakonzya Kuliiba Munyika Eeyi Yamapenzi!” Amubone cakwaambilizya cikozyenye aceeci mu Mulimo Wesu wa Bwami wa October 2006.
◼ Kumwaya Ngazi Yamulindizi a Awake! amateepu aakuswiilila mu Cingisi kuyoolekwa kuzwa amamagazini aa July 2007. Maoda aaliko ayoolekwa aciindi eeco. Mwalombwa kuti mulange apeeji 2 mumamagazini kubona misyobo iiliko yalo njomukonzya kooda kwiinda mumbungano. Alimwi eeci nciyeezyo cakuti kumbele aamazuba kulibonya kuti aamwi mateepu aakuswiilila alimwi amakkaseeti aavidiyo oonse ayoolekwa, elyo kuyooba ma CD-ROM ama DVD abusena bwangawo.
◼ Mukuyanda kucesya mali aabelesyegwa kukutumina mabbuku alimwi akuba masimpe kuti asika kumbungano, kwakabikkwa bubambe bwakutumina mabbuku kubelesya myootokala iizwa kuofesi yamutabi. Nokuba boobo, bubambe oobu ibubikkilizya akulanganya magwalo aatuminwa akati kambungano tabuli bwakutumina magwalo kumakkampani naa masena aambi. Tumukulwaizya kubelesya mposo mukutumina magwalo aaya.
◼ Ba Watch Tower Society tabacibelesyi kkeyala ya Box 21598, Kitwe. Kkeyala yesu ngu Box 33459, Lusaka 10101.
◼ Bbuku lipya liliko:
Amubaa Cilongwe a Jehova—Cikaonde