Kwiinduluka Kwamu Cikolo Camulimo Weendelezyegwa A Leza
Mibuzyo iitobela iyoobandikwa mu Cikolo Camulimo Weendelezyegwa a Leza munsondo iitalika mu February 26, 2007. Mulangizi wacikolo uyooyendelezya mubandi wakwiinduluka wamaminiti aali 30 kujatikizya makani aakabandikwa kuzwa munsondo iitalika mu January 1 kusikila munsondo iitalika mu February 26, 2007. [Malailile: Kujatikizya mibuzyo iitajisi bbuku litondezya nkobujanwa bwiinguzi, mweelede kuvwuntauzya kutegwa mujane bwiinguzi.—Amubone bbuku lya Cikolo Camulimo, pp. 36-7.]
ZIBEELA ZYAKUKANANA
1. Ino ndilili nokweelede kwaambwa mbwaagwasya makani, alimwi muunzila nzi eeci mboceelede kucitwa? [be p. 158 minc. 1-3]
2. Nkaambo nzi ncociyandika kugwasya bantu kubona makani ngotubandika mbwaagwasya, alimwi mbuti mbotukonzya kucicita eeci? [be p. 159 minc. 2-3]
3. Nkaambo nzi ikusala mabala aakubelesya ncokuyandika? [be p. 160]
4. Ncinzi ciya kutugwasya kwaamba mabala aasiyene-siyene munzila iiluzi? [be p. 161 minc. 5-6; p. 162 minc. 1, 4]
5. Mbubotu nzi buliko bwakwaambaula makani kwiinda mukubelesya twaambo tupati-pati ntomujisi mumizeezo naa tulembedwe apepa? [be p. 166 minc. 1-3]
MAKANI NA. 1
6. Ncinzi ciyandika nokulibambilwa cibeela cakubala? [be p. 43 minc. 2, 4]
7. Ncinzi ncotuyandika kucita kutegwa tukonzye kuyanda zintu zibotu akusula zibi mbuli Jehova? (Heb. 5:14) [w05 1/1 p. 21 munc. 11]
8. Ncinzi ncotweelede kuyeeya ikuti twabala makani amwi mu Bbaibbele aatupa kudooneka kuti naa Leza wakacita munzila iiluzi? [w05 2/1 p. 29 munc. 7]
9. Nokuli kukazyanya akati kazintu nzyobayanda bantu alimwi aziyanda Leza, ncinzi ncotuyoocita? [w05 5/1 p. 5 munc. 9]
10. Nkaambo nzi bazyali ncobeelede kubona bana babo kuti ndukono lulibedelede? [w05 4/1 p. 18 minc. 5, 6]
KUBALA KWA BBAIBBELE KWANSONDO ANSONDO
11. Ncinzi “civunisyo civunikidwe” a “civumbyo civumbide” caambwa ku Isaya 25:7?
12. Mbuti bantu mbobakonzya ‘kumubona akumumvwa’ Jehova? (Is. 30:20, 21)
13. Kaliluzi naa Takaluzi: Mupailo wa Hezekiya uulembedwe ku Isaya 38:3 wakapailwa amakanze aakuyanda kuti apone kwaciindi cilamfwu.
14. Mbuti bana Israyeli mbobakali kukonzya kubeleka kabali Bakamboni ba Jehova, alimwi mbuti mbotukonzya kubaiya? (Is. 43:10)
15. Kweelana abubambe bwabusinsimi buli kuli Isaya 52:11, 12, ncinzi ciyandika kumuntu kutegwa ‘abweze zibelesyo zya-Jehova’?