Mulongo Wa Miswaangano Ya Mulimo
Malailile: Mu Mulimo Wesu wa Bwami kuyoobikkwa mulongo wa Muswaangano wa Mulimo wansondo aimwi mumyezi yamuswaangano wacooko. Mbungano zilakonzya kubikka bubambe bugwasya kutegwa zikajanike ku Muswaangano Wacooko wa “Amutobele Kristo!” Ikuti kacikonzyeka, amubelesye maminiti aali 15 ku Muswaangano wa Mulimo wansondo yamamanino kamutanaunka kumuswaangano wacooko ikwiinduluka malailile kuzwa mupepa lyamukati lyamwezi uuno alo aakonzya kubeleka mumbungano yanu. Kwaakwiinda mwezi omwe naa yobile mwaakuzwa kumuswaangano, amukabelesye maminiti aali 15 kusika ku 20 ku Muswaangano wa Mulimo (ambweni kubelesya cibeela ca ziyandika zyambungano) kwiinduluka twaambo tupati-pati twakumuswaangano ooto basikumwaya ntobabona kuti tulagwasya mumulimo wamumuunda. Kwiinduluka ooku kweelede kucitwa amulangizi wamulimo. Amubalombe baswiilizi kwaamba mbobatubelesya naa mbobayeeya kuyootubelesya twaambo ooto mumulimo wamumuunda.
Nsondo Iitalika mu July 9
Lwiimbo 4
10 min: Zyakwaambilizya zyambungano. Kwiinda mukubelesya nzila zili apeeji 8 naa nzila zimwi zigwasya mucilawo canu, amutondezye mboikonzya kwaabilwa Ngazi Yamulindizi ya August 1 alimwi a Awake! ya July.
15 min: Ino Ncinzi Ciletela Lukkomano Lwini-Lwini? Makani amubandi abaswiilizi kuzwa mu Ngazi Yamulindizi ya June 1, 2006, mapeeji 15-16, mincali 11-12. Mubufwaafwi, amubuzye-buzye umwi wakasala kubikkila maanu kumulimo wakukambauka ikwiinda kuyandisisya zyakulikondelezya naa mulimo wakumubili. Ino ncinzi cakamupa kuba ambaakani zyakumuuya? Ino mbuti eeci mbocamuletela lukkomano?
20 min: “Kubelekela Antoomwe Mumulimo Wakwaambilizya Muswaangano Wacooko wa “Amutobele Kristo!”a Nomubandika muncali 3, amubalombe baswiilizi kwaamba zyakuluula zikulwaizya zyakacitika kubusena bwanu kujatikizya kwaabila tupepa twakutamba bantu kumuswaangano wacooko mwaka wamana naa kubikkilizya twaambo kuzwa mu Yearbook yamu 2007, kuzwa apeeji 7 kusikila kukatwe kamakani kali apeeji 10.
Lwiimbo 43 amupailo wakujala.
Nsondo Iitalika mu July 16
Lwiimbo 16
10 min: Zyakwaambilizya zyambungano. “Mulimo Uulibedelede Wakabelekwa mu March.” Twaambo kuzwa mu Lipooti Yamulimo wamu March. Amubalumbe basikumwaya mumbungano akaambo kazintu zibotu zyakacitwa. Amwaambe mbazu yomwe naa zyobile basikumwaya mumbungano moyeelede kubikkila maanu mumyezi iiboola.
20 min: Ikubamba Luumuno Alimwi Abulondo bwa Mbungano. Makani amubandi abaswiilizi kuzwa mubbuku lya Bakamantene Mukucita Kuyanda kwa Jehova, kuzwa apeeji 144 kusikila kukatwe kamakani kali apeeji 150.
15 min: “Kucinca Kukkomanisya Kujatikizya Ngazi Yamulindizi!”b
Lwiimbo 189 amupailo wakujala.
Nsondo Iitalika mu July 23
Lwiimbo 200
10 min: Zyakwaambilizya zyambungano. Amubale lipooti yankomwi yamali alugwalo lutondezya kuti mali aakasangwa akatambulwa. Kwiinda mukubelesya nzila zili apeeji 8 naa nzila zimwi zigwasya mucilawo canu, amutondezye mboikonzya kwaabilwa Ngazi Yamulindizi ya August 1 alimwi a Awake! ya August.
20 min: “Amutobele Kristo Kwiinda Mukutondezya Bulemu.”c Akananwe amulembi wambungano. Amwaambe muswaangano wacooko mbungano yanu nkoyeelede kuyooswaanganina. Amubandike zili mukabbokesi kakuti “Ziyeezyo zya Muswaangano Wacooko.”
15 min: Amulibambile Ntalisyo Zyamakani Zigwasya. Mubandi abaswiilizi kuzwa mubbuku lya Kukambitsirana, peeji 9, mincali 1-2. Amubikkilizye azitondezyo zyobile kutondezya mbotukonzya kwaabila mabbuku aamwaigwa mu August.
Lwiimbo 61 amupailo wakujala.
Nsondo Iitalika mu July 30
Lwiimbo 216
10 min: Zyakwaambilizya zyambungano. Amubayeezye basikumwaya kuti bape malipooti aamulimo wamumuunda aamu July.
15 min: “Amusalale Mubukkale Bwanu Boonse.”* Amubelesye mibuzyo iibikkidwe. Amulombe baswiilizi kwaamba kujatikizya bukkale bubotu amiswaangano yacooko mbobwapa kuti Jehova atembaulwe.
20 min: “Ngusicoolwe oyo Muntu Uukakatila Mumasukusyo.”d Nomubandika muncali 3, amubalombe baswiilizi kwaamba kuba alusyomo luyumu mbokwabagwasya ciindi nokuba masukusyo aacibukilambuta. Inga mwalibambila kaambo komwe naa tobile kakucili ciindi.
Lwiimbo 13 amupailo wakujala.
Nsondo Iitalika mu August 6
Lwiimbo 106
10 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu wa Bwami.
15 min: Ziyandika zyambungano.
20 min: “Citupa Kupilukila Cakwiinduluka-Induluka.”e Nomubandika muncali 5, amubalombe baswiilizi kwaamba cakabapa kuyanda kwiiya zinji kujatikizya kasimpe ciindi nobakali kukazigwa naa kutabikkila maanu.
Lwiimbo 211 amupailo wakujala.
Bupanduluzi buyungizidwe
a Majwi aantalisyo atasiki kuminiti yomwe, mpoonya muzumanane amubandi wakubuzya akwiingula.
b Majwi aantalisyo atasiki kuminiti yomwe, mpoonya muzumanane amubandi wakubuzya akwiingula.
c Majwi aantalisyo atasiki kuminiti yomwe, mpoonya muzumanane amubandi wakubuzya akwiingula.
d Majwi aantalisyo atasiki kuminiti yomwe, mpoonya muzumanane amubandi wakubuzya akwiingula.
e Majwi aantalisyo atasiki kuminiti yomwe, mpoonya muzumanane amubandi wakubuzya akwiingula.