Mulongo Wa Miswaangano Ya Mulimo

Nsondo Iitalika mu September 10

Lwiimbo 225

10 min: Zyakwaambilizya zyambungano. Kwiinda mukubelesya nzila zili apeeji 4 naa nzila zimwi zigwasya mucilawo canu, amutondezye mboikonzya kwaabilwa Ngazi Yamulindizi ya October 1 alimwi a Awake! ya September. Mucitondezyo acimwi, mweelede kwaabila mamagazini oonse obile nokuba kuti magazini yomwe njoyeelede kutondezyegwa.

15 min: Kabbokesi Kamubuzyo. Mubandi abaswiilizi uyookananwa amwaalu. Ikuti ciindi kaciciliko, amubale akubandika magwalo aabikkidwe.

20 min: “Amutobele Cikozyanyo Ncaakatondezya Jesu.”a Amubalombe baswiilizi kwaamba mbobagwasyigwa kuzwa kucikozyanyo cibotu cabamwi.

Lwiimbo 130 amupailo wakujala.

Nsondo Iitalika mu September 17

Lwiimbo 60

10 min: Zyakwaambilizya zyambungano.

15 min: Ino Twakabeleka Buti Mwaka Wamana? Mulangizi wamulimo walanga-langa mulimo wamwaka wamulimo wamana, kabikkilide maanu kuzintu zikulwaizya izyakacitwa mumulimo. Amubalumbaizye. Amwaambe mbazu yomwe naa zyobile zyamulimo wambungano muyandika kuyoobikkila maanu mumwaka wamulimo mupya. Amwaambe mbobakabeleka bapainiya, akubalumbaizya akaambo kamulimo ngobakabeleka cabusungu. Amwaambe bubotu bwakajanwa mukusoleka kugwasya baabo ibatacisungweede.

20 min: Ibunyina Bukamantene. Makani amubandi abaswiilizi kuzwa mubbuku lya Bakamantene Mukucita Kuyanda kwa Jehova, cibalo 16.

Lwiimbo 74 amupailo wakujala

Nsondo Iitalika mu September 24

Lwiimbo 162

10 min: Zyakwaambilizya zyambungano. Amubale lipooti yankomwi yamali alugwalo lutondezya kuti mali aakasangwa akatambulwa.

15 min: Kuba Amizeezo Yeelede Kujatikizya Zyakusanga. Makani ayookananwa amwaalu kuzwa mu Ngazi Yamulindizi ya December 1, 2002 mapeeji 4-7.

20 min: Amubelesye katulakiti ka Kuzyiba Bbaibbele Mukutalisya Ziiyo zya Bbaibbele mu October. Mu October tuyooabila mamagazini aa Ngazi Yamulindizi a Awake! Ikuti bamwi batondezya luyandisisyo, inga mwabelesya katulakiti ka Kuzyiba Bbaibbele kutalisya ciiyo ca Bbaibbele. Mubufwaafwi, amubandike zili mukatulakiti ciindi basikugwasilizya bamana kwaabila katulakiti komwe kumuntu aumwi wajanika ikuti matulakiti kaaliko. Amupandulule kuti katulakiti inga kalangwa-langwa koonse naa cibeela buyo antoomwe amwiniŋanda mukuswaya kwakusaanguna naa mwaakupilukila. Kwiinda mukubelesya nzila zili apeeji 4 naa nzila zimwi zigwasya mucilawo canu, amutondezye mboikonzya kwaabilwa Ngazi Yamulindizi ya October 1 alimwi a Awake! ya October. Mucitondezyo cimwi, sikumwaya wasiya katulakiti ciindi mwiniŋanda nakaka kutambula mamagazini. Mucitondezyo citobela, mwiniŋanda naamana kutambula mamagazini, sikumwaya wamupa katulakiti, babandika antoomwe anguwe zili apeeji 5, wamutondezya kabeela katondezya bbuku lya Bbaibbele Ncoliyiisya apeeji 6 akumulomba kuti uyoomutolela bbuku eeli aakupilukila.

Lwiimbo 222 amupailo wakujala.

Nsondo Iitalika mu October 1

Lwiimbo 88

10 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu wa Bwami. Amubayeezye basikumwaya kuti bape malipooti aamulimo wamumuunda aamu September.

15 min: Lugwalo Luzwa ku Mutabi. Makani amubandi abaswiilizi kuzwa mulugwalo luli apeeji lyakusaanguna lya Mulimo Wesu wa Bwami uuno. Amubalombe baswiilizi kwaamba zyakuluula zyakacitika kubusena ooko nobakali kutamba bantu kuyoojanika ku Muswaangano Wacooko wa “Amutobele Kristo!”

20 min: “Tweelede Kubeleka Canguzu Mumulimo Wesu.”b Amubikkilizye atwaambo tuzwa kubakwesu abacizi babeleka canguzu, alimwi amubalombe kuti bapandulule mbobazumanana kujana nzila zyakubeleka canguzu mumulimo. Inga mwalibambila kaambo komwe naa tobile kakucili ciindi.

Lwiimbo 102 amupailo wakujala.

Bupanduluzi buyungizidwe