Zyakwaambilizya
◼ Mabbuku aakumwaya mu February: Is there a Creator Who Cares About You? naa Inzila Yakujana Lukkomano Mumukwasyi. March: Ino Ncinzi Cini Bbaibbele Ncoliyiisya? Kamubikkila maano kutegwa mutalisye ciiyo ca Bbaibbele. April a May: Ngazi Yamulindizi a Awake! Kuya kubikkwa bubambe bwakuswaya bantu bajisi luyandisisyo ibakajanika ku Ciibalusyo akumakani aalubazu pele ibataswaangani lyoonse ambungano. Ikaambo kapati kakubaswaila batana talika kwiiya nkakutalisya ciiyo ca Bbaibbele.
◼ Mbwaanga mwezi wa March ujisi nsondo zyosanwe, inga waba mwezi mubotu wakucita bupainiya bwakugwasyilizya.
◼ Mulembi alimwi amulangizi wamulimo beelede kulanga-langa mulimo wabapainiya boonse baciindi coonse. Ikuti naa bamwi balajana buyumuyumu bwakukkwanya mweelwe wamawoola uuyandika, baalu beelede kuba abubambe bwakubagwasya.
◼ Makani aabuleya aalubazu aa Ciibalusyo aamu 2008 anoojisi mutwe wakuti “Nguni Weelela Kweendelezya Bantu?”
◼ Balembi bambungano beelede kusinizya kuti balijisi Lugwalo Lwakusalwa kwa Mupainiya (S-202) waciindi coonse aumwi uuli mumbungano. Ikuti kabatajisi, beelede kubazibya bakuofesi yamutabi kwiinda mukubalembela lugwalo
◼ Mabbuku Aaboofwu: Tuyanda kuyeezya basikumwaya kuti mabbuku aaboofwu aladula kapati, ikapati mabbuku mapati. Nazumizya Foomu Yakoodela Mabbuku (S-14) Mulembi wa Mbungano weelede kubona kuti zintu eezi zyoodelwa basikumwaya naa bantu ibajisi luyandisyisyo lwini-lwini bayiya Bbaibbele naa bajanika kumiswaangano lyoonse.
◼ Kubalangizi Beendelezya: Ziindi zimwi magwalo aazwa kuofesi yamutabi aatuminwa tubunga twabaalu alijisi malailile aayandika aajatikizya mulimo wamubelesi wamamagazini naa wamabbuku. Balangizi Beendelezya beelede kubona kuti bakwesu aaba baambilwa makani aali mulugwalo mbobamanizyila buyo kulubala.
◼ Kweelana ambokwakaambilizyigwa mu Mulimo Wesu wa Bwami wamu December 2007, mbungano zilakonzya kutalika lino kutuma maoda aabo a Watchtower Library yamu 2007. Iyakubikkilizya amabbuku mapya aakamwaigwa mu 2007. Nokuba boobo, kwiindana kupati kumwi kuliko apulogilamu eeyi impya nkwakuti Watchtower Reader taikabikkilizyigwi; nkaambo kakuti Watchtower Library izwa mu Watchtower Reader. Muyakubona kuti munzila zinji tiikatazyi kubelesya alimwi kuli zibeela zipya nzyomuya kukkomanina alimwi ziya kupa kuti ciiyo canu kacikkomanisya kapati. Nomubikka pulogilamu eeyi impya mukkompyuta, muya kukulwaizyigwa kulemba kapepa mubufwaafwi nkomukonzya kubikka atuba kutegwa mwiizyibile pulogilamu eeyi impya azibeela zyayungizyigwa. Kutegwa mwiibikke mukkompyuta Watchtower Library yamu 2007, mweelede kubelesya kkompyuta iibelesya Windows 2000, XP, naa Vista.
◼ Mabbuku Mapya Aaliko:
“Magwalo aya Oonse”—Alasyomeka Alimwi Alagwasya—2008 Kabroshuwa (Cibeela 1 a 2)—Lunda
◼ Makkaseeti Mapya Aaliko:
Nomikwasyi—Ikubala Bbaibbele Abuzuba Akube Mbobukkale Bwanu!—Cibemba