Kwiinduluka Kwamu Cikolo Camulimo Weendelezyegwa A Leza
Mibuzyo iitobela iyoobandikwa mu Cikolo Camulimo Weendelezyegwa a Leza munsondo iitalika mu February 25, 2008. Mulangizi wacikolo uyooyendelezya mubandi wakwiinduluka wamaminiti aali 30 kujatikizya makani aakabandikwa kuzwa munsondo iitalika mu November 5 kusikila munsondo iitalika mu February 25, 2008. [Malailile: Kujatikizya mibuzyo iitajisi bbuku litondezya nkobujanwa bwiinguzi, mweelede kuvwuntauzya kutegwa mujane bwiinguzi.—Amubone bbuku lya Cikolo Camulimo, pp. 36-7.]
ZIBEELA ZYAKUKANANA
1. Ino ncinzi ncotweelede kucita kutegwa tugwasye baswiilizi ikumvwisya magwalo, alimwi nkaambo nzi ncokuyandika kucita boobo? [be p. 228 minc. 2-3]
2. Nkaambo nzi ncociyandika kapati ikukanana makani aagwasya baswiilizi, alimwi mbuti mbotukonzya kucita boobo? [be p. 230 minc. 3-5, kabbokesi]
3. Ino munzila nzi kuvwuntauzya mbokukonzya kugwasya kutegwa tukanane makani aagwasya kapati? [be p. 231 minc. 1-3]
4. Ino ncinzi ncotukonzya kucita kutegwa twaabelesye kabotu magwalo ngobazyi kale baswiilizi? [be p. 231 minc. 4-5]
5. Nkaambo nzi ncociyandika kapati ikupandulula ncaamba magwalo ngotubala? [be p. 232 minc. 3-4]
MAKANI NA. 1
6. Ino ncinzi citondezya kuti ibbuku lya Matayo lyakalembelwa kugwasya ba Juda kusaanguna? [bsi08-1-CG map. 4 minc. 6-7]
7. Ino mbuti mbotukonzya kupangika myoyo yesu kutegwa tutambule malailile aa Leza akananwa kucibumbili? (2 Mak. 20:33) [be p. 13 munc. 4–p. 14 munc. 5]
8. Ino ncinzi ncobeelede kucita bazyali kutegwa bayiisye bana babo kuba a “busongo bwakufutulwa.” (2 Timo. 3:15, Ci) [be p. 16 minc. 3-4]
9. Mbuti ibbuku lya Makani Mabotu lya Matayo mbolitondezya kuzuzikizigwa kwabusinsimi bwamu Bbaibbele? [bsi08-1-CG p. 5 munc. 32]
10. Mbokunga ibbuku lya Makani Mabotu lya Matayo litondezya kuti Jesu ngu Mesiya wakasyomezyedwe, ino bbuku lya Makani Mabotu lya Marko limwaamba buti? [bsi08-1-CG p. 7 minc. 7-8]
KUBALA BBAIBBELE KWANSONDO ANSONDO
11. Sena kunyema nkubi kwiinda kuba amfwundiilili? (Mt. 5:21, 22) [w08 1/15 “Ijwi lya Jehova Lili Abuumi—Twaambo Tupati-pati Kuzwa Mubbuku lya Matayo”]
12. Ino mbuti Banakristo mbobakonzya kuba a ‘liso lyabuuya’? (Mt. 6:22, 23) [w06 10/1 p. 29]
13. Ino nkaambo nzi nkaakali kukankaizya Jesu naakabuzya basikwiiya bakwe kuti: “Sena mwamvwisya makani aya oonse?” (Mt. 13:51, 52) [w08 1/15 “Ijwi lya Jehova Lili Abuumi—Twaambo Tupati-Pati Kuzwa Mubbuku lya Matayo”]
14. Ino nkaambo nzi Jesu ncaakalailila bantu mbaakali kuponya kuti “batatoli mpuwo”? (Mt. 12:16) [w87 5/15 p. 9; cl map. 93-4]
15. Ino ncinzi ncaakapandulula Jesu naakaamba kuti “ceelesyo” muntu ncakonzya ‘kweelesya’? (Mk. 4:24, 25) [w80 6/15 p. 12; gt cibalo 43]