Mulongo Wa Miswaangano Ya Mulimo

Nsondo Iitalika mu May 12

Lwiimbo 134

10 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu wa Bwami. Kwiinda mukubelesya nzila zili apeeji 4 naa nzila zimwi zigwasya mucilawo canu, amutondezye mboikonzya kwaabilwa Ngazi Yamulindizi ya April–June alimwi a Sinsimuka! ya April–June.

15 min: Amusyome Muuya wa Leza Bukkale Nobwacinca. Makani aazwa mu Ngazi Yamulindizi ya April 1, 2004, mapeeji 27-29, mincali 1-9. Amusale basikumwaya akubalomba kuti baambe Jehova mbwaabagwasya kuti baliyumye kusukusyo limwi.

20 min: Sena Inga Mwacita Bupainiya Bwakugwasilizya Mumyezi Iiboola? Mubandi abaswiilizi. Amulange-lange twaambo tuli mubbuku lya Bakamantene mapeeji 112-113 itwaamba zyeelelo zyabupainiya bwakugwasilizya. Amubalombe aabo bakabelesya mazuba aabo aakulyookezya kumulimo kutegwa bacite bupainiya bwakugwasilizya kuti baambe zilongezyo nzyobakajana. Amubalombe aabo bakacita bupainiya bwakugwasilizya mumazuba aakulyookezya kucikolo kuti baambe ibamwi mbobakabakulwaizya alimwi akubagwasya. Ino mbuti mulimo wabupainiya bwakugwasilizya mbowakabagwasya kuyaambele kumuuya? Ino ndukkomano luli buti ndobakajana? Amubakulwaizye boonse beelela kuti bayeeye kucita bupainiya mumyezi iiboola.

Lwiimbo 187

Nsondo Iitalika mu May 19

Lwiimbo 47

10 min: Zyakwaambilizya zyambungano. Amulange-lange Kabbokesi Kamubuzyo.

15 min: Ziyandika zyambungano.

20 min: “Ibuvwubi Bulakonzya Kuba Bwanu!”a Amwaambe twaambo tujatikizya zyeelelo zyabupainiya bwaciindi coonse tujanika amapeeji 113-114 mubbuku lya Bakamantene. Aabo bayanda kutalika bupainiya mu September 1 beelede kufwambaana kupa mafoomu aabo aakulilembya bupaniya.

Lwiimbo 206

Nsondo Iitalika mu May 26

Lwiimbo 103

10 min: Zyakwaambilizya zyambungano. Amubale lipooti yankomwi yamali alugwalo lutondezya kuti mali aakasangwa akatambulwa. Amubayeezye basikumwaya kuti bape malipooti aamulimo wamumuunda aamu May. Kwiinda mukubelesya nzila zili apeeji 4 naa nzila zimwi zigwasya mucilawo canu, amutondezye mboikonzya kwaabilwa Ngazi Yamulindizi ya April–June alimwi a Sinsimuka! ya April–June.

15 min: “Amulikulike Ijokwe Lyangu.”b Ikuti ciindi kaciciliko, amubalombe baswiilizi kuti baambe twaambo tuli mumagwalo aatazubulwidwe.

20 min: Amwaabile Bbuku lya Bbaibbele Ncoliyiisya mu June. Makani alimwi azitondezyo. Amulange-lange nzila zyacitondezyo zimwi kuzwa mupepa lyamukati lya Mulimo Wesu wa Bwami wa January 2006. Amubikkilizye acitondezyo comwe cijisi zibeela zyobile. Mucibeela cakusaanguna, amutondezye mbolikonzya kwaabilwa bbuku. Cabili, amutondezye mbomukonzya kupilukila kamujisi mbaakani yakutalisya ciiyo ca Bbaibbele.

Lwiimbo 169

Nsondo Iitalika mu June 2

Lwiimbo 221

10 min: Zyakwaambilizya zyambungano.

20 min: Bantu Basyomeka Balalongezyegwa Kapati. (Tus. 28:20) Makani amubandi abaswiilizi aatikananwe amulembi. Amwaambe mubufwaafwi Jehova mbwaakulongezya kusolekesya kwambungano kwakuyungizya ciindi ncoyakabeleka mumulimo mumwezi wa March, April a May, alimwi amubalumbaizye. Amwaambe mweelwe wabaabo bakacita bupainiya bwakugwasilizya, ziiyo zya Bbaibbele zipya zyakatalisyigwa, alimwi azyintu zimwi buyo zibotu zyakacitwa mumulimo wabukambausi. Amubalombe baswiilizi kwaamba zyakuluula zijatikizya Ciibalusyo alimwi amulimo wakwaabila tupepa twakutamba bantu. Zyakuluula zyamulimo wamumuunda zikulwaizya zilakonzya kubikkwa muzitondezyo ikutondezya mbuzyakabede. Mubufwaafwi, amubuzye-buzye basikumwaya bobile naa botatwe kwaamba zilongezyo nzyobakajana akaambo kakucita bupainiya bwakugwasilizya.

15 min: “Amulibambile ‘Kucita Cintu Ciluzi Coonse.’”c Amubalombe baswiilizi kwaamba mbobalibambila alimwi aciindi nobalibambila kwiinka mubukambausi bwakuŋanda aŋanda.

Lwiimbo 44

Bupanduluzi buyungizidwe