Mulongo Wa Miswaangano Ya Mulimo

Nsondo Iitalika mu October 13

Lwiimbo 174

10 min: Zyakwaambilizya zyambungano. Amwaambe bubambe mbomwabikka bwakwaabila katulakiti kaalubazu ikuyootalika mu October 20, akubakulwaizya boonse kuti babweze matulakiti ikuti kabatana kucita oobo. Mubufwaafwi amuziinduluke nzila zitondezya mbomunga mwaabila Ngazi Yamulindizi ya October–December alimwi a Sinsimuka! ya October–December izili apeeji 8. Akaambo kakuti basikumwaya banji bali kwaabila mamagazini aaya kwansondo zili mbozibede lino, amubalombe kuti baambe zyakuluula nzyobakajana.

35 min: “Bubambe Bupya Bwamiswaangano Yambungano.”a Ikuti ciindi kaciciliko, amubale magwalo aatazubuludwe akulomba baswiilizi kupandulula twaambo tuli mumo.

Lwiimbo 216

Nsondo Iitalika mu October 20

Lwiimbo 113

5 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu wa Bwami.

20 min: Amuzumanane Kukkomana Mumulimo. Makani aakulwaizya aazwa mu Ngazi Yamulindizi ya July 1, 2005 mapeeji 30-31 mincali 11-17. Amubikkilizye akubuzya-buzya sikumwaya omwe naa bobile ibabelekela Jehova cakusyomeka kwaciindi cilamfwu. Ino ncinzi cabagwasya kuti bazumanane kuba alukkomano nociba ciindi bantu nobatabikkili maanu?

20 min: Amulibambile Kwaabila Ngazi Yamulindizi ya October–December Alimwi a Sinsimuka! ya October–December. Mwamana kwaamba mubufwaafwi zili mumamagazini, amubalombe baswiilizi kuti baambe zibalo nzibakabona kuti inga ziyoobakkomanisya kapati bantu bamucilawo canu. Abaambe twaambo ncobayeeya kuti bantu bayoozikkomanina zibalo eezyi. Amubalombe baswiilizi kuti baambe mubuzyo weelede ngobayanda kuyoobelesya kutegwa batalisye mubandi alimwi alugwalo luli mucibalo cakubelesya kabatana kwaabila mamagazini. Mwaambi wamanizya kwiinda mukucita citondezyo ikutondezya mboikonzya kwaabilwa magazini aimwi, ikubelesya nzila zyacikonzyanyo zili apeeji 8 naa nzila imwi iikonzya kukkomanisya bantu mucilawo canu.

Lwiimbo 148

Nsondo Iitalika mu October 27

Lwiimbo 30

5 min:Zyakwaambilizya zyambungano. Amubale lipooti y ankomwi yamali alugwalo lutondezya kuti mali aakasangwa akatambulwa.

10 min: Ziyandika zyambungano.

30 min: “Kuliyiisya Alimwi Aciiyo Camukwasyi Zilayandika Kapati.”b Ikuti ciindi kaciciliko, amubale magwalo aatazubuludwe akulomba baswiilizi kupandulula twaambo tuli mumo.

Lwiimbo 142

Nsondo Iitalika mu November 3

Lwiimbo 100

10 min: Zyakwaambilizya zyambungano. Amubayeezye basikumwaya kuti bape malipooti aamulimo wamumuunda aamu October.

20 min: Cikolo Camulimo Weendelezyegwa a Leza Camu 2009. Mulangizi wacikolo abandike abaswiilizi bubambe bupya mu Cikolo Camulimo Weendelezyegwa a Leza mbuli mbokulembedwe mu “Malailile” aali mupepa lyamukati lya Mulongo wa Cikolo Camulimo Weendelezyegwa a Leza. Amubikkile maanu kukucinca kwakacitwa. Amubakulwaizye boonse kuba basungu mukuzuzikizya mikuli yabo, mukulibambila kwiingula mucibeela cakunomoona twaambo tugwasya tuzwa mu Bbaibbele alimwi amukubelesya malailile aapegwa amulangizi wacikolo ansondo kuzwa mubbuku lya Amugwasyigwe Alwiiyo Lujanwa mu Cikolo Camulimo Weendelezyegwa a Leza.

15 min: Amuyaambele ‘Kukuyiisya’ Kwanu. Mulangizi wamulimo naa mwaalu umwi weelela waamba mubufwaafwi twaambo ntwaabona ituyandika tosanwe tujatikizyidwe mukucizyiba kuyiisya kweelana ambokulembedwe mu Ngazi Yamulindizi ya January 15, 2008, mapeeji 9-12, mincali 5-18. Amubuzye-buzye sikumwaya omwe naa bobile ibayeeya kuti twaambo ootu twabagwasya kuyaambele muluzyibo lwakuyiisya.

Lwiimbo 91

[Bupanduluzi buyungizidwe]