Mulongo Wamunsondo Iitalika mu August 6
NSONDO IITALIKA MU AUGUST 6
Lwiimbo 60 Amupailo
□ Ciiyo ca Bbaibbele Cambungano:
cl cibalo 26 ¶8-15 (25 min.)
□ Cikolo Camulimo Weendelezyegwa a Leza:
Kubala Bbaibbele: Ezekiele 24-27 (10 min.)
Na. 1: Ezekiele 24:15-27 (4 min. naa kutasika aawo)
Na. 2: Ino Muubukkale Buli Buti Leza Mwaakazumizya Bana Israyeli Kutola Lubazu Munkondo?—w08 2/15 ¶–p. 26 ¶1-3 (5 min.)
Na. 3: Sena Lugwalo lwa Ezekiele 18:20 Lulakazyanya Alugwalo lwa Kulonga 20:5? (5 min.)
□ Muswaangano Wamulimo:
5 min: Zyakwaambilizya.
10 min: Sena Muyookkomana Mubukubusi Bwanu? Makani (ikuti kacikonzyeka akananwe amuzyali uujisi bana bajisi cikozyanyo cibotu). Jehova utamba bakubusi kuti bakkomane mubukubusi bwabo. (Muk. 11:9) Tacigambyi kuti mulaswaanganya zyintu zinji alimwi zibyaabi zikonzya kumuyunga. (1 Jo. 5:19) Ino ncinzi cikonzya kumugwasya kuti mutayungwi abeenzinyoko alimwi azisusi zyanyama? (Tus. 22:3; Heb. 5:14; Dt. 30:19; Tus. 15:23) Ino ncinzi cikonzya kucitika kuti mwaciindizya kucita cintu cimwi ncomukkomanina? (w04 10/1 14, minc. 10-12) Jehova umusyomezya kuti mulakonzya kuzwidilila mubuumi. (Ef. 6:11; 1 Sam 2:7) Kukambauka makani mabotu cabusungu ninzila imwi ‘yakuyeeya Mulengi wesu.’ Kukakatila kumbungano kuletela zileleko.—Muk. 12:1; Tus. 10:22.
10 min: Ziyandika mumbungano.
10 min: Nzila Zyakubelesya Mukwaabila Mamagazini mu August. Mubandi abaswiilizi. Amusale zibalo zyobilo naa zyotatwe alimwi mutuvwaluvwalu tuli 30 kusika ku 60, amwaambe kaambo zibalo eezyo ncozikonzya kubakkomanisya bantu bamucilawo canu. Mwamana, kwiinda mukubelesya zibalo zibandika mutwe uuli acivwumbyo ca Ngazi Yamulindizi, amulombe baswiilizi kuti bape mizeezo kujatikizya mubuzyo mubotu ngobakonzya kubuzya alimwi alugwalo ndobanga babala. Amucite mbubwenya amagazini ya Sinsimuka! alimwi kuti ciindi kaciciliko inga mwabelesya cibalo acimwi comwe icili mumagazini ya Ngazi Yamulindizi naa ya Sinsimuka! Amutondezye mboikonzya kwaabilwa magazini imwi aimwi.
Lwiimbo 97 Amupailo