Kwiinduluka Kwamu Cikolo Camulimo Weendelezyegwa a Leza
Mibuzyo iitobela iyoobandikwa mu Cikolo Camulimo Weendelezyegwa a Leza munsondo iitalika mu December 31, 2012. Kwalembwa amadeeti aatondezya kaambo kamwi akamwi nokayoobandikwa kutegwa kamuvwuntauzya nomulibambila cikolo mvwiki amvwiki.
1. Ino mbuti businsimi bwakusaalwa azyuuka bulembedwe mulugwalo lwa Joeli 2:1-10, 28 mbobwazuzikizyigwa? [Nov. 5, w07 11/1 p. 5]
2. Ino mbaani bazuzikizya lugwalo lwa Amosi 8:11, alimwi mubuzyo nzi ngotweelede kulibuzya, mbwaanga tupona muciindi nokuli zyakulya zinji zyakumuuya? [Nov. 12, w04 12/1 p. 21 minc. 21-23]
3. Ncinzi cakapa bana Edomu kulisumpula mumoyo, alimwi nkaambo kali nkotuteelede kuluba? (Ob. 3, 4) [Nov. 19, w07 11/1 p. 8]
4. Muunzila nzi Jehova mwaakatondezya kuusa kujatikizya mapenzi ngaakaambide kuti ulabaletela bana Nineve? (Jon. 3:8, 10) [Nov. 19, w07 11/1 p. 10]
5. Ino caamba nzi kweenda muzyina lya Leza? (Mik. 4:5) [Nov. 26, w03 9/1 p. 14 munc. 19]
6. Ino kuzuzikizyigwa kwabusinsimi bulembedwe mulugwalo lwa Nahumu 2:6-10 kusinizya nzi kulindiswe? [Dec. 3, w07 12/1 p. 9]
7. Ino lugwalo lwa Hagai 1:6 lupandulula nzi, alimwi nciiyo nzi ncotweelede kubikkila maano? [Dec. 10, w07 12/1 p. 17]
8. Mbuti mbotukonzya kulubelesya lulayo lulembedwe mulugwalo lwa Zekariya 7:10 ‘lwakutakanza mumyoyo yesu kucitila bamwi bubi’? [Dec. 17, w07 12/1 p. 19]
9. Nkaambo nzi majwi aalembedwe mulugwalo lwa Zekariya 4:6, 7 ncaaumbulizya kubakombi ba Jehova sunu? [Dec. 17, w07 12/1 p. 19]
10. Kweelana acilembedwe mulugwalo lwa Malaki 3:16, nkaambo nzi ncotweelede kuzumanana kusyomeka kuli Leza? [Dec. 31, w07 p. 31]