Zyakwaambilizya

◼ Mabbuku aakwaabila mu January a February: Basikumwaya balakonzya kwaabila imwi akati kamabroshuwa aaya aatobela aajisi mapeeji aali 32: Ciindi Muntu Ngomuyanda Nafwa, naa Mulakonzya Kuba Mulongwe wa Leza. Ciindi nomupanga nyendo zyakupilukila, amumutondezye bbuku lya Bbaibbele Ncoliyiisya naa, kuti kaceelela kweelana anzyayandika muntu ooyo, amumwaabile imwi yamabroshuwa aakuti, Amumuswiilile Leza naa Amumuswiilile Leza Kutegwa Mukapone Kukabe Kutamani, alimwi amusole kutalisya ciiyo ca Bbaibbele. March a April: Mamagazini aa Ngazi Yamulindizi a Sinsimuka! Ciindi nomupilukila, amubaabile bbuku lya Bbaibbele Ncoliyiisya, naa kuti kaceelela kweelana anzyayandika muntu ooyo, broshuwa yakuti Amumuswiilile Leza naa Amumuswiilile Leza Kutegwa Mukapone Kukabe Kutamani, alimwi amusolekesye kutalisya ciiyo ca Bbaibbele.

◼ Mutwe wamakani aabuleya aayoopegwa amulangizi wabbazu mumyezi iili cisambomwe yamamanino mumwaka wamulimo wa 2013 ngwakuti “Makani Mabotu Kumasi Oonse, Kumilaka Yoonse Alimwi Akumikowa Yoonse.”

◼ Basikumwaya ibayoocita bupainiya bwakugwasyilizya mu March 2013 banoojisi coolwe cakubeleka mawoola aasika ku 30 naa 50. Kuyungizya waawo, ikuti mulangizi wabbazu kaswaya mbungano yanu mu March, boonse bacita bupainiya bwakugwasyilizya, kunyina makani naa babeleka mawoola aali 30 naa 50, batambwa kuyoojanika kumuswaangano woonse mulangizi wabbazu ngwayoocita abapainiya baciindi coonse.

◼ Mumyezi iili 6 yainda, mbungano zili 8 zyakaaba Maanda aa Bwami mapya kuli Jehova. Mbungano zya Mpula, Mpanda, Mitumba, Chenda, Lweenge, Lusaka Matero North West, Kafumukache alimwi a Chimpasha.