Mulongo Wamunsondo Iitalika mu February 4
NSONDO IITALIKA MU FEBRUARY 4
Lwiimbo 70 Amupailo
□ Ciiyo ca Bbaibbele Cambungano:
gt cibalo 15-16 (30 min.)
□ Cikolo Camulimo Weendelezyegwa a Leza:
Kubala Bbaibbele: Matayo 22-25 (10 min.)
Na. 1: Matayo 23:25-39 (4 min. naa kutasika aawo)
Na. 2: Nkaambo Nzi Banakristo Ncobeelede Kububikkila Maano Kapati Businsimi Bwamu Bbaibbele?—bh cibalo 9 minc. 15-18 (5 min.)
Na. 3: Ino Nzikozyanyo Nzi Zyamu Bbaibbele Izitondezya Busongo Bulembedwe Mulugwalo lwa Tusimpi 3:5? (5 min.)
□ Muswaangano Wamulimo:
10 min: Nzila Zyakubelesya Mukwaabila Mamagazini mu February. Mubandi abaswiilizi. Mutuvwalu-vwalu tuli 30 naa muminiti yomwe, amulange-lange zibalo zisyoonto zili mumagazini zikonzya kukkomanisya bantu bamucilawo canu. Mwamana, kwiinda mukubelesya zibalo zibandika mutwe uuli acivwumbyo ca Ngazi Yamulindizi, amulombe baswiilizi kuti bape mizeezo kujatikizya mubuzyo mubotu ngobakonzya kubuzya alimwi alugwalo ndobanga babala. Amucite mbubwenya amagazini ya Sinsimuka! alimwi kuti ciindi kaciciliko inga mwabelesya cibalo acimwi comwe icili mumagazini ya Ngazi Yamulindizi naa ya Sinsimuka! Amutondezye mboikonzya kwaabilwa magazini imwi aimwi.
10 min: Ikuti Muntu Waamba Kuti, ‘Tandisyomi Muli Leza.’ Mubandi abaswiilizi kuzwa mu Ngazi Yamulindizi ya October-December, 2012, amapeeji 4-6. Amucite acitondezyo mubufwaafwi.
10 min: Ziyandika mumbungano.
Lwiimbo 95 Amupailo