November 26–December 2
MILIMO 6-8
Lwiimbo 124 Amupailo
Majwi Aantalisyo (3 min.)
MBONO IZILI MU JWI LYA LEZA
“Mbungano Mpya ya Bunakristo Yasunkwa”: (10 min.)
Mil. 6:1—Bamukabafwu ibakali kubelesya mwaambo wa Chigiriki kulibonya kuti tiibakali kulanganizyigwa kabotu mumbungano (bt 41 ¶17)
Mil. 6:2-7—Baapostolo bakabweza ntaamu kutegwa balimane penzi lyakaliko (bt 42 ¶18)
Mil. 7:58–8:1—Mbungano yakatalika kupenzyegwa kapati
Kuyandaula Mbono Zyakumuuya: (8 min.)
Mil. 6:15—Ino muunzila nzi busyu bwa Sitefano mobwakaba “mbuli busyu bwamungelo”? (bt 45 ¶2)
Mil. 8:26-30—Ino nkukozyanya nzi kuliko akati kamulimo wesu wakukambauka alimwi angwaakacita Filipo? (bt 58 ¶16)
Ino kubala Bbaibbele kwansondo iino kwamuyiisya nzi kujatikizya Jehova?
Ino nimbono nzi zimbi zyakumuuya nzyomwakajana mukubala Bbaibbele kwansondo iino?
Kubala Bbaibbele: (4 min.) Mil. 6:1-15
AMUSUNGWAALE MUMULIMO WAMUMUUNDA
Lweendo Lwakupilukila Lwabili: (3 min.) Amubelesye mubandi wacitondezyo. Mpoonya amumutambe mukamwiniŋanda kumiswaangano.
Lweendo Lwakupilukila Lwatatu: (3 min.) Amulisalile lugwalo lwakubelesya kutegwa mwiingule mubuzyo iwakabuzyigwa mu Lweendo Lwakupilukila Lwabili, mpoonya amwaabile bbuku lyakwiiya.
Ciiyo ca Bbaibbele: (6 min.) lvs 38 ¶16-17
KUPONA BUUMI BWA BUNAKRISTO
“Kupa Cipego Kuli Jehova”: (15 min.) Mubandi abaswiilizi weendelezyegwe amwaalu. Amusaangune kweebelela kavidiyo kakuti ‘Kupa Cipego Kuli Jehova’. Amubale lugwalo kuzwa kumutabi lutondezya kulumba akaambo kazyakusanga zyakatambulwa mumwaka wamulimo wamana. Amutondezye mbotugwasyigwa kwiinda mukusanga. Amwaambe mali ngoibelesya mbungano mwezi amwezi. Amwaambe mbotukonzya kusanga alimwi ambozibelesyegwa zyakusanga eezyi. Amubalumbe bakwesu akaambo kabwaabi bwabo.
Ciiyo ca Bbaibbele Cambungano: (30 min.) jy cibalo. 43 ¶19-29
Kwiinduluka Twaambo Twayiigwa Akwaamba Tuyooyiigwa Nsondo Iitobela (3 min.)
Lwiimbo 67 Amupailo