Mbobakonzya Kuyumya Cikwati Cabo Banabukwetene

Abrahamu alimwi a Sara ncikozyanyo cibotu cabanabukwetene ibakali kuyandana kapati alimwi akulemekana. (Matl. 12:11-13; 1Pet. 3:6) Nokuba boobo, cikwati cabo tiicakalondokede pe, alimwi bakeelede kuliyumya kumapenzi aamubuumi. Ino banabukwetene inga baiya nzi kwiinda mukulanga-langa cikozyanyo ca Abrahamu alimwi a Sara?

Amujane ciindi cakubandika. Ciindi ngomukwetene limwi naamba cintu cimwi citali kabotu naa ambweni naanyema, tamweelede kukalala pe, pele mweelede kusolekesya kumumvwisya. (Matl. 16:5, 6) Amujane ciindi cakuba antoomwe. Kwiinda mumajwi alimwi amumicito, amumutondezye ngomukwetene limwi kuti mulamuyanda. Kwiinda zyoonse, amube masimpe kuti nyoonse mulacibikkila maano cilongwe canu a Jehova kwiinda mukwiiya, kupaila alimwi akukomba antoomwe. (Muk. 4:12) Cikwati ciyumu cilamulemeka Jehova, Sikutalisya bubambe oobu busetekene.

AMWEEBELELE KAVIDIYO KAKUTI MBOMUKONZYA KUYUMYA CIKWATI CANU, MPOONYA MWIINGULE MIBUZYO IITOBELA:

• Mukavidiyo, ncinzi citondezya kuti ba Shaan alimwi aba Kiara tiibakacili kumvwana?

• Nkaambo nzi ncociyandika kapati kubandika cakulikwaya mucikwati?

• Ino cikozyanyo ca Abrahamu alimwi a Sara cakabagwasya buti ba Shaan aba Kiara?

• Ino nintaamu nzi nzyobakabweza ba Shaan alimwi aba Kiara kutegwa bayumye cikwati cabo?

• Nkaambo nzi mulumi amukaintu ncobateelede kulangila kuti cikwati cabo cinoolondokede?