Amucikwabilile Cikwati Canu

Jehova uyanda kuti cikonke cacikwati kacibikkilwa maano. Wakaamba kuti banabukwetene beelede kukakatila kuli umwi amweenzinyina. (Mt. 19:5, 6) Kuli banabukwetene banji bakkomene akati kabantu ba Leza. Nokuba boobo, kunyina cikwati cilondokede. Mapenzi anooliko lyoonse. Aboobo tatweelede kuba amuzeezo uudumide wakuti kwaandana alimwi akulekana nenzila yakumana mapenzi mucikwati. Ino mbuti banabukwetene Banakristo mbobakonzya kukwabilila cikwati cabo?

Amulange-lange nzila zyosanwe iziyandika kapati.

1. Amukwabilile moyo wanu kwiinda mukukaka zintu mbuli kusobana nkwela alimwi azyakulikondelezya zitali kabotu, zyalo zikonzya kunyonganya cikwati.—Mt. 5:28; 2Pet. 2:14.

2. Amuyumye cilongwe canu a Leza, alimwi akuyungizya luyandisisyo lwakumukkomanisya mucikwati canu.—Int. 97:10.

3. Amuzumanane kusama buntu bupya, alimwi akucita tuntu tusyoonto-syoonto tutondezya luzyalo ntwakonzya kukkomanina ngomukwetene limwi.—Kol. 3:8-10, 12-14.

4. Amuzumanane kulemekana akubelesya majwi aali kabotu.—Kol. 4:6.

5. Amupane ziyandika mucikwati caluyando.—1Kor. 7:3, 4; 10:24.

Ciindi Banakristo nobalemeka cikwati, balemeka Sikutalisya cikwati, Jehova.

AMWEEBELELE KAVIDIYO KAKUTI TWEELEDE ‘KUBALIKA CAKULIYUMYA’​—AMWAATOBELE MALAILILE AAMUMUZUNDANO, MPOONYA MWIINGULE MIBUZYO IITOBELA:

• 

  Nokuba kuti cikwati cilakonzya kutalika kabotu, ino mbuyumuyumu nzi bukonzya kuba?

• 

  Ino mbuti njiisyo zyamu Bbaibbele mbozikonzya kubagwasya banabukwetene balimvwa kuti tabakkomene mucikwati cabo?

• 

  Ino milawo nzi Jehova njabikkide kujatikizya cikwati?

• Kutegwa cikwati cizwidilile, ino ncinzi banabukwetene ncobayandika kucita?