Amuzumanane Kulangila Kusikila Bubuke Bukacitike

Ciindi notwafwidwa muyandwa wesu, tulaumbulizyigwa abulangizi bwabubuke. Nokuba boobo, cibi alufwu zilatujatikizya toonse. Bbaibbele likozyanisya cibi alufwu ‘kucivwumbyo civwumbide masi oonse,’ ‘akumulembo uuvwumbide bantu boonse.’ (Is. 25:7, 8) Aaka nkakaambo kamwi kapa kuti ‘zilenge zyoonse kazitongela lyoonse alimwi akuba amacise caantoomwe.’ (Rom. 8:22) Mbuti mbotukonzya kuliyumya ciindi notwafwidwa bayandwa besu kusikila ciindi nobayoobusyigwa? Ijwi lya Leza lilijisi njiisyo zikonzya kutugwasya.

AMWEEBELELE KAVIDIYO KAKUTI CIINDI MUYANDWA WANU NAAFWA, MPOONYA MWIINGULE MIBUZYO IITOBELA:

• Ncinzi cakabacitikila ba Masahiro abakaintu babo ba Yoshimi, kubikkilizya aba Danielle, cakabapa kuba mubuumba?

• Mbuti mizeezo yosanwe mboyakabagwasya?

• Nguni sikuumbulizya Mupati?​—2Kor. 1:3, 4