KUPONA BUUMI BWA BUNAKRISTO
Nobazyali—Amubagwasye Bana Banu Kuba Abusongo Buzwa Kuli Leza
Nzila imwi mbotu bazyali njobakonzya kubelesya kugwasya bana babo kuba abusongo buzwa kuli Leza, nkwiinda mukubagwasya kutola lubazu kumiswaangano ya Bunakristo. Zintu nzyobabona, kumvwa alimwi akwaamba bana kumiswaangano zilakonzya kubagwasya kwiiya kujatikizya Jehova akuba mulongwe wabo. (Dt. 31:12, 13) Nobazyali, mbuti mbomukonzya kubagwasya bana banu kwiiya zinji kumiswaangano?
Amusolekesye kujanika kumiswaangano cakaanzambwene.—Int. 22:22
Amujane ciindi cakuyanzana abakwesu alimwi abacizyi kaitanatalika miswaangano anoyamana.—Heb. 10:25
Amubone kuti munamukwasyi umwi aumwi ulijisi mabbuku ali mukuyiigwa kumiswaangano, aasimbidwe naa aali afooni naa atabbuleti
Amubagwasye bana kulibambila bwiinguzi mumajwi aabo.—Mt. 21:15, 16
Amwaambe zibotu kujatikizya miswaangano azintu nzyotwiiya
Amubagwasye bana banu kutola lubazu mumilimo mbuli kusalazya Ŋanda ya Bwami, alimwi akubandika abacembeede bali mumbungano
Kugwasya bana banu kuba acilongwe a Jehova mulimo mupati, alimwi inga walibonya kuyum zimwi ziindi. Nokuba boobo, amusyome kuti Jehova ulamugwasya.—Is. 40:29.
AMWEEBELELE KAVIDIYO KAKUTI NOBAZYALI, AMUSYOME JEHOVA ANGUZU ZYAKWE, MPOONYA MWIINGULE MIBUZYO IITOBELA:
Ino kukatala kwakabajatikizya buti ba Zack aba Leah?
Nkaambo nzi bazyali ncobeelede kulomba nguzu kuli Jehova?
Muunzila nzi ba Zack aba Leah mobakasyoma Jehova kuti ulabagwasya?