Kucita Ciibalusyo Bwasanu, April 3, 2015
MU Mujibelo, mu March 7, 2015, mbungano nyika yoonse mboizulwa zyakatalika mulimo wakutamba bantu kuti bazyooswaangane andiswe kutegwa baibaluke lufwu lwa Jesu Kristo alimwi akumvwa makani aajatikizya mbolutugwasya lufwu lwakwe. Bantu banji bakatambwa kwiinda mukubelesya tupepa, kwiinda mukubelesya fooni, alimwi atugwalo. Ino bantu bakabutambula buti bwiite oobu? Muli Bwasanu, mu April 3, Bakamboni ba Jehova bakakkomana kapati kutambula baabo ibakaboola kumuswaangano ooyu uusetekene ibali 19, 862,783. Lino Bakamboni balasoleka kubagwasya boonse aabo ibakajanika kuti kabayanzana lyoonse abantu ba Jehova, kutegwa bakombe Leza wakasimpe, alimwi akuti babone luyando lwa Leza alimwi akugwasyigwa azilongezyo nzyapa bantu bakwe.—Mik. 4:2.