Sena Mulalibilika Kapati?

“Bantu boonse balalibilika, pele mebo ndilalibilika kapati. Tandilibiliki buyo akaambo kapenzi lyomwe lipati, pele nzinji izindipa kulibilika, mbuli makatazyo aamubuumi alimwi akulanganya balumi bangu balo ibali kuciswa bulwazi bwakunyongana mizeezo kwamyaka minji.”—Ba Jill.a

“Bakaintu bangu bakandisiya, aboobo ndakeelede kukomezya bana bangu bobilo endikke. Tiicakali cuuba-uba pe. Kuyungizya waawo, mulimo wangu wakamana, aboobo tiindakajisi mali aakubambya moota yangu. Tiindakazyi cakucita. Ndakatalika kulibilika citaambiki. Ndakalizyi kabotu-kabotu kuti kulijaya ncibi, aboobo ndakalomba Leza kuti ndifwe buyo.”—Ba Barry.