Mulakonzya Kubujana Busongo
“Magwalo oonse akasololelwa a Leza.” (2 Timoteyo 3:16) Mukapango aaka, majwi aakuti “akasololelwa a Leza” aamba kuti Leza Singuzuzyoonse wakabikka mizeezo yakwe mumizeezo yabalembi ba Bbaibbele.
Leza Umutamba Kuti Mugwasyigwe Abusongo Bwakwe
“Mebo, nde Jehova . . . ndime ndikuyiisya kuti ugwasyigwe, uukusololela munzila moyelede kweendela. Eelo kaka inga cabota kuti waiswiilila milawo yangu! Aboobo luumuno lwako inga lwaba mbuli mulonga abululami bwako mbuli mayuwe aamulwizi.”—ISAYA 48:17, 18.
Majwi aaya amwaabone kuti ngu Leza uumutamba cacigaminina. Uyanda kuti mube aluumuno lwamumizeezo alukkomano lutamani, alimwi ulakonzya kumugwasya kuti muzijane.
Busongo bwa Leza Mulakonzya Kubujana
“Mumasi oonse, makani mabotu aleelede kukambaukwa.”—MARKO 13:10.
“Makani mabotu” abikkilizya cisyomezyo ca Jehova cakumana kupenga, kupanga nyika eeyi kuba paradaiso alimwi akuyoobusya bayandwa besu bakafwa. Bakamboni ba Jehova balakambauka mulumbe ooyu wamu Bbaibbele nyika yoonse.