CIIYO 14

Mbuti Mbomukonzya Kusyomeka Kuli Jehova?

Amube kulubazu lwa Leza. 1 Petro 5:6-9

Munakristo wakaka kutola lubazu mubukombi bwakubeja naa mutwaambo twacisi

Mutanootoli lubazu muzilengwa ziteendelani ancolyaamba Bbaibbele. Kucita boobu kuyandika busicamba.

Mutanootoli lubazu mutwaambo twacisi; bantu ibatola lubazu mutwaambo twacisi tabali kulubazu lwa Jehova a Bwami bwakwe.

Amucite ciluzi—amumuswiilile Leza. Matayo 7:24, 25

Mwaalumi uli kumiswaangano ku Ŋanda ya Bwami, alimwi wiiya Bbaibbele aumwi wa Bakamboni ba Jehova

Amuyanzane a Bakamboni ba Jehova; bayoomugwasya kumvwana a Leza.

Amuzumanane kwiiya kujatikizya Leza akusolekesya kutobela milawo yakwe.

Mwaalumi ulalyaaba kuli Jehova mumupailo kumane wabbapatizyigwa

Lwayuma lusyomo lwanu, mweelede kulyaaba kuli Jehova akubbapatizyigwa.—Matayo 28:19.

Amumuswiilile Leza. Amulibale Bbaibbele akulomba Bakamboni ba Jehova kuti bamugwasye kulimvwisya. Mpoonya, amuzibelesye nzyomwiiya. Ikuti mwacita oobo, muyoopona kukabe kutamani.—Intembauzyo 37:29.