“Balikkomene Aabo Balaaluse!”

1. Leza wesu ngusiluse,

Tainzyi buyo mulawo.

Ulatufwida luzyalo.

Ulatupa nzyotuyanda.

Aabo beempwa zibi zyabo

Inga wabalekelela.

Ulituzyi mbotubede;

Ulatufwida iluse.

2. Ciindi notwacita cibi,

Tulomba kulekelelwa.

Kristo wakatutondezya

Mbotweelede kupaila:

“Twalomba kulekelelwa,

Mbotulekelela bamwi.”

Mpoonya tuyoobaaluumuno,

Tatukabikkilili pe.

3. Luse ndotufwida bamwi

Lweelede kuzwa mumoyo.

Kutali kupanga zina,

Pele kuti bakkomane.

Jehova uubona zyoonse,

Nguuyakutupa bulumbu.

Balaacoolwe balaaluse,

Jehova ulabayanda.