CIIYO 10
Kucinca-cinca Jwi
Tusimpi 8:4, 7
NCOMWEELEDE KUCITA: Amwaambe twaambo munzila iilimvwisya alimwi akubapa kulimvwa munzila iitondezya bwini mbwaabede makani kwiinda mukucinca-cinca mbolimvwika jwi ciindi nomukanana, kulitola mujulu naa ansi.
MBOMUKONZYA KUCITA OOBO:
Amucince-cince jwi lyanu. Amutole jwi mujulu ciindi nomukankaizya twaambo tupati-pati alimwi aciindi nomukulwaizya baswiilizi banu kubweza ntaamu. Amucite mbubwenya oobo ciindi nomubala zibalo zyamu Magwalo izyaamba lubeta. Amulitole aansi jwi kutegwa mubape kuba aluyandisisyo lwakumvwa makani aatobela naa kutondezya kuyoowa naa kulibilika.
Amwiindanye jwi. Amulitole mujulu jwi ikutondezya luyandisisyo ndomujisi naa nsaizi yacintu cimwi naa musinzo. Amulitole aansi jwi lyanu kutondezya kuusa naa kulibilika.
Amucince-cince mbomukanana. Amubandike cakufwambaana ikuti naa mubandika cintu cikkomanisya. Amubandike asyoonto-syoonto ciindi nomwaamba twaambo tuyandika kapati.