Ikwaamba Twaambo Ntobamvwa Bantu

1 Bakorinto 14:9

NCOMWEELEDE KUCITA: Amubagwasye baswiilizi banu kumvwisya makani ngomwaamba.

MBOMUKONZYA KUCITA OOBO:

• Amwaazyibe kabotu makani aanu. Amwaamvwisye kabotu makani aanu kutegwa mukaapandulule munzila iitakatazyi alimwi akubelesya majwi aanu.

• Amukanane munzila nguba-uba kutegwa bazimvwe nzyomwaamba. Amukanane mubufwaafwi ikupandulula kaambo nkomuyanda kuti bakamvwisye baswiilizi.

• Amwaapandulule mabala aatazyibidwe kabotu. Mutavwuzyi kubelesya mabala ngobatazyi kabotu baswiilizi banu. Ikuti naa mwayandika kwaamba bbala litazyibidwe kapati, muntu wamu Bbaibbele, cipimyo cansiku naa cilengwa citazyibidwe kapati, mweelede kucipandulula.