Mibuzyo Yamu Bbaibbele Yaingulwa

Sena tulakonzya kulekelelwa zibi zyesu?

Kweelana ancolyaamba Bbaibbele, bantu boonse mbaasizibi. Twakakona cibi kumuntu wakusaanguna, Adamu. Aboobo, zimwi ziindi tulacita zyintu zibi nzyotukonzya kuliyeeya kumamanino. Jesu Kristo, Mwana wa Leza wakabbadelela zibi zyesu kwiinda mukutufwida. Cituuzyo cacinunuzyo cakwe cakapa kuti kacikonzyeka kulekelelwa. Ncipego kuzwa kuli Leza.—Amubale Baloma 3:23, 24.

Bantu bamwi bakacita zibi zipati alimwi balalibuzya naa Leza ulakonzya kubalekelela. Cikkomanisya ncakuti, Ijwi lya Leza lyaamba kuti: “Bulowa bwa Jesu Mwanaakwe bulatusalazya kuzibi zyoonse.” (1 Johane 1:7) Jehova ulilibambilide kutulekelela zibi zipati ikuti naa tweempwa kuzwa ansi aamoyo.—Amubale Isaya 1:18.

Ncinzi ncotweelede kucita kutegwa tulekelelwe?

Ikuti katuyanda kuti Jehova Leza atulekelele, tweelede kumuzyiba—kuzyiba ncayanda, malailile aakwe, alimwi azyeelelo zyakwe. (Johane 17:3) Jehova ulabalekelela kuzwa ansi aamoyo aabo beempwa zibi zyabo akucinca.—Amubale Milimo 3:19.

Kukkomaninwa a Jehova tacili cintu cikatazya kapati kulindiswe. Jehova ulakumvwisya kukompama kwesu. Walo ngusiluzyalo alimwi ngusiluse. Sena luzyalo lwakwe talupi kuti muyande kwiiya zinji kujatikizya mbomweelede kumukkomanisya?—Amubale Intembauzyo 103:13, 14.

Kutegwa muzyibe zinji, amubone cibalo 5 cabbuku eeli, ilyakamwaigwa a Bakamboni ba Jehova

[Cifwanikiso icili apeeji 15]

Kukkomaninwa a Jehova tacili cintu cikatazya kapati