Ncinzi Ncolyaamba Bbaibbele?

Sena Bbaibbele lilakonzya kumugwasya kulwana kulibilika?

Ino inga mwaingula buti?

• Inzya

• Peepe

• Ambweni

Ncolyaamba Bbaibbele

“Kamuwaala makatazyo aanu oonse kuli [Leza], nkaambo ulamubikkila maano.” (1 Petro 5:7) Bbaibbele lilasyomezya kuti Leza ulakonzya kumugwasya kutegwa muleke kulibilika.

Ncinzi cimbi ncotukonzya kwiiya kuzwa mu Bbaibbele?

• Kwiinda mukupaila, mulakonzya kuba ‘aluumuno lwa Leza’ lwalo lucesya kulibilika.—Bafilipi 4:6, 7.

• Kuyungizya waawo, kubala Jwi lya Leza kulakonzya kumugwasya kutegwa muliyumye ciindi nomukopene mumizeezo.—Matayo 11:28-30.

Sena kulibilika kuli nokuyoomana?

Bantu bamwi basyoma . . .kuti kulibilika akukopana mumizeezo ncibeela cabuumi bwabantu, pele bamwi basyoma kuti kulibilika kulakonzya kumana lilikke buyo kuti muntu wafwa. Ino nywebo muyeeya buti?

Ncolyaamba Bbaibbele

Leza uyoozigwisya zintu izipa kulibilika. “Lufwu talukabi limbi, akwalo koomoka, kulila nokuba kucisa takukabi limbi pe.”—Ciyubunuzyo 21:4.

Ncinzi cimbi ncotukonzya kwiiya kuzwa mu Bbaibbele?

• Mubweendelezi bwa Bwami bwa Leza, bantu bayoopona muluumuno.—Isaya 32:18.

• Kulibilika alimwi akukopana mumizeezo ziyakulubwa.—Isaya 65:17.