Ncinzi Ncolyaamba Bbaibbele?

Sena kuli nokuyooba luumuno anyika?

Ino inga mwaingula buti?

• Inzya

• Peepe

• Ambweni

Ncolyaamba Bbaibbele

Mubulelo bwa Jesu Kristo, “luumuno luyoovwula kusikila mane mwezi utakabi limbi”​—eeci caamba kuti luumuno lunooliko lyoonse.—Intembauzyo 72:7.

Ncinzi cimbi ncotukonzya kwiiya kuzwa mu Bbaibbele?

• Bantu babi bayoogwisyigwa munyika, akupa kuti bantu bali kabotu ‘bakabotelwe kapati muluumuno lunji.’—Intembauzyo 37:10, 11.

• Leza uyoozimanizya nkondo zyoonse.—Intembauzyo 46:8, 9.

Sena luumuno lwini-lwini lwamumizeezo lulakonzyeka lino?

Bantu bamwi basyoma . . .kuti luumuno lwini-lwini lwamumizeezo talukonzyi kujanwa kufwumbwa buyo kuti nyika eeyi kaicizwide mapenzi alimwi akutalulama. Ino nywebo muyeeya buti?

Ncolyaamba Bbaibbele

Noliba lino, aabo ibajisi cilongwe a Leza balakonzya kuba ‘aluumuno lwa Leza oolo lwiinda maano oonse.’—Bafilipi 4:6, 7.

Ncinzi cimbi ncotukonzya kwiiya kuzwa mu Bbaibbele?

• Leza usyomezya kugwisya mapenzi alimwi akutalulama, akupa “zintu zyoonse kuti zibe zipya.”—Ciyubunuzyo 21:4, 5.

• Tulakonzya kuba aluumuno lwamumizeezo kwiinda mukubikkila maano ‘kukusololelwa a Leza.’—Matayo 5:3.