Kabbokesi Kamubuzyo
◼ Ncinzi ncotukonzya kucita kutegwa miswaangano yesu ibe miswaangano iigwasya kapati?
Bamwi inga kabayeeya kuti ibaalu abakutausi balikke mbibeelede kubona kwaamba kuti miswaangano yambungano yazwidilila nkaambo mbebayeendelezya akubandika bunji bwamakani. Masimpe ngakuti, toonse tulakonzya kucitya kuti miswaangano ibote alimwi akuti igwasye. Tulakonzya kugwasya kucitya kuti miswaangano igwasye munzila izili kkumi ezi zitobela:
Amulibambilile limwi. Notulibambila kabotu, imiswaangano tulaikkomanina. Naa toonse twacita eci, imiswaangano inga ilakkomanisya alimwi ilayaka. Kamujanika lyoonse. Naa ibasika mbanji, boonse ibajanika balakulwaizigwa, ciyumya-yumya kuyandisisya kunikujanika lyoonse. Amusike ciindi kaciciliko. Ikuti naa katukkede kale ciindi ipulogilamu noitalika, tulatola lubazu mukwiimba lwiimbo lwakujula amupailo elyo munzila eyi tulagwasyigwaa miswaangano cini-cini. Amuboole kamulibambilide kabotu. Kwiinda mukuletelezya Bbaibbele lyesu alimwi amabbuku naa bbuku libelesyegwa ciindi camuswaangano, tulakonzya kutobelezya kabotu-kabotu akumvwisya zili mukukananwa. Amuzyeelebe zinyonganya. Tulakonzya kuteelela kabotu naa twakkalila kumbele. Ikuvwiya-vwiya alimwi akucita nyendo zinjaanji kuya kucimbuzi kukonzya kutucitya kuti tutaswiilili kabotu akunyonganya bamwi. Amutole lubazu. Bunji bwesu notutambika maanza, banji balakulwaizigwa akuyakwa mutwaambo twalusyomo. Amukanane mubufwaafwi nomwiingula. Kucita boobo kucitya kuti banji bajane coolwe cakutola lubazu. Twaambo twesu tufwaafwi tweelede kuzwa buyo mumakani aali mukuyiigwa. Amwiizuzikizye mikuli yanu. Mbomuli basikwiiya Mucikolo Camulimo Wateokrasi naa basikutola lubazu mu Muswaangano Wamulimo, amulibambile kabotu, amwiinduluke makani kakucili ciindi alimwi amukanze kuzuzikizya mukuli wanu. Amubalumbaizye ibatola lubazu. Amubaambile bamwi mbomulumba kusoleka kwabo nkobacita. Eci cilabayaka alimwi akubakulwaizya kuyandisisya kucita kabotu kumbele. Amukulwaizyanye. Ikwaanzyanya kubotu alimwi amibandi iikulwaizya kaitanatalika anoyamana miswaangano ziyungizya lukkomano alimwi zitondezya umwi aumwi wandiswe mbwagwasigwa ciindi notujanika amiswaangano.