Nzyomweelede Kwaamba Kujatikizya Mamagazini

Ngazi Yamulindizi Jan. 1

“Ibbaibbele litukulwaizya kuswenena kuli Leza. Ino mbuti mbocinga cakonzyeka eeci mbwaanga tuli bantu batalondokede? [Amulindile bwiinguzi.] Kuli nzila imwi yaambwa mulugwalo oolu. [Amubale Johane 17:3.] Mulakonzya kulibalila mumagazini eeyi mbuli makani aaya aa Leza mbwaakonzya kutugwasya kuswenenena kuli nguwe.”

Galamukani! Jan. 8

“Sena muyeeya kuti kuli twaambo tulimvwisya bazyali ncobeelede kubikkila maano kujatikizya zyakulikondelezya zyalunya mbozibajatikizya bana babo? [Amulindile bwiinguzi.] Ibazyali banji balalutobela lugwalo oolu iluli mu Bbaibbele. [Amubale Intembauzyo 11:5.] Eeyi Galamukani! igwasya mikwasyi kulanga-langa ntenda zijanika kwiinda muzisobano zicitwa akkompyuta naa avidiyo.”

Ngazi Yamulindizi Jan. 1

“Eelyo bantu nobafwidwa bayandwa babo antela nobapenga akaambo kakuciswa, ikanjikanji balalibuzya kuti, ‘Ino nkaambo nzi Leza ncalekelede zintu zili boobu kucitika?’ Ambweni kuli ciindi nomwakabuzyide mubuzyo nguwenya ooyu. Ibbaibbele litondezya kuti Leza ulabafwida luzyalo aabo ibali mumapenzi. [Amubale Isaya 63:9a.] Eeyi magazini ilapandulula ncotukonzya kuba masimpe kuti Leza uyakwaamanizya mapenzi.”

Galamukani! Jan. 8

“Sena muyeeya kuti ncibotu kumfwulumende kunyazya bantu lwaanguluko lwakukanana? [Amulindile bwiinguzi.] Ino kuti naa eeci kacijatikizya kwaambila bamwi makani aabukombi kweelanaa mbotubala aawa? [Amubale Incito 28:30, 31.] Lino-lino, mubuzyo ooyu wakalangwa-langwa mu Nkuta Mpati yamu United States. Mulakonzya kwaabala makani aaya mu Galamukani! eeyi.”