Nzyomweelede Kwaamba Kujatikizya Mamagazini

Ngazi Yamulindizi Jan. 1

“Mbwaanga mamanino aabweende bwazintu bubyaabi akasinsimwa kaindi, sena lino kuli ceelede kubindilwa kubwezya ntaamo? [Amulindile bwiinguzi. Mwamana mubale Matayo 24:42.] Icibalo camumagazini eeyi, citutondezya mbotukonzya kufwutuka kuti twatobela kucenjezya kwamamanino aanyika nokuba kuti tatubuzi buzuba.”

Ngazi Yamulindizi Jan. 1

“Bantu banji balabulangila Buzuba bwa Lubeta oobu kuti busike. Ino nkaambo nzi nceciyandika kulibambila buzuba oobu lino? [Amulindile bwiinguzi. Mwamana mubale Matayo 24:36.] Mbwaanga tatubuzi buzuba bwini, cilayandika kwaabikkila maano majwi ngaakaamba Jesu aakuti tweelede kuzumanana kupakamana akusinizya kuti tulilibambide. Mulakonzya kubala zinji mumutwe ooyu uuli mu Ngazi ya Mulindizi eeyi.”

Ngazi Yamulindizi Jan. 1

“Bantu banji munyika balombozya kupona muluumuno. Sena muyeeya kuti tuna kuliko aakuzuzikizyigwa majwi aaya? [Amubale Intembauzyo 46:9. Mwamana mulindile bwiinguzi.] Eeyi Ngazi Yamulindizi ilapandulula eeci mbociya kuzuzikizyigwa alimwi ancotweelede kucisyoma cisyomezyo ca Leza canyika iinoonyina nkondo.”

Ngazi Yamulindizi Jan. 1

“Mbwaanga nyika izwide kulwana alunya, ‘sena kuli nomuyeeya kuti kuya kuba ciindi bantu bali mbuli ndinywe andime notuya kuliiba mumaanda eesu alimwi amunzila?’ [Amulindile bwiinguzi.] Ijwi lya Leza lyaamba ciindi kuliiba nokutakanyonganizyigwi acintu cimwi. [Amubale Intembauzyo 37:10, 11] Eeyi Ngazi ya Mulindizi itondezya kuti, ino-ino Leza uya kugusya bubi boonse akutalisya nyika mpya iiya kweendelezyegwa abulelo bwakujulu.”