Nzyomweelede Kwaamba Kujatikizya Mamagazini

Ngazi Yamulindizi Oct. 1

“Mazubaano bamwi balimvwa kuti balaangidwe mulukwatano mutakwe luyando. Ino nkuukuli bantu bali boobo nkobakonzya kujana lugwasyo? [Amulindile bwiinguzi.] Ibbaibbele litusyomezya kuti injiisyo zya Leza zilakonzya kutugwasya. [Amubale Isaya 48:17, 18.] Eeyi Ngazi Yamulindizi ilabandika njiisyo zyamu Bbaibbele zikonzya kuyumya lukwatano.”

Ngazi Yamulindizi Oct. 1

“Ino nkaambo nzi Bbaibbele ncolitukulwaizya kupaila lyoonse? [Amulindile bwiinguzi.] Mupailo ulakonzya kutugwasya kuti tukwabililwe mumasunko aa Diabolosi. Notusoleka kuliyumya mumasunko aaboola abuzuba, tulazumanana kumulomba Leza kuti atuyumye. Ikuti twazumanana kupaila kulomba lugwasyo kuti tuliyumye mukutalombozya zintu zibyaabi, tuyoogwasyigwa a Jehova. Tulijisi cisyomezyo eeci kubbuku lya 1 Ba-Korinto 10:13. [Amubale.] Eeyi magazini ilabandika twaambo atumbi ntontweelede kulomba mumupailo.”

Ngazi Yamulindizi Oct. 1

“Sena kuli nomwakalibuzyide kuti, ‘Ikuti naa Leza kali siluyando alimwi singuzuzyoonse, ino nkaambo nzi ncatabagwasyi aabo ibapenga?’ [Amulindile bwiinguzi.] Lino-lino uyooamanizya mapenzi oonse. [Amubale Isaya 65:17.] Kwaciindi ecino, Leza talangilili buyo cakutabikkila maano ciindi notupenga, kweelana amboitondezya magazini eeyi.”

Ngazi Yamulindizi Oct. 1

“Sena kuli nomwakalibuzyide ncociyandika kapati kubikkila maano kumakani ngotukanana? [Amulindile bwiinguzi.] Amubone Bbaibbele ncolyaamba kubbuku lya Jakobo 3:8a. [Amubale.] Nokuba kuti tujisi makanze mabotu buti, talili lyoonse makani eesu naayaka bantu bamwi. Aboobo tweelede kucenjela kumakani ngotukanana. Inzila imwi mbotu iigwasya kutantamuka kukanana makani aatali kabotu, nkuba aacilengwa cakukanana makani aakumuuya. Mumagazini eeyi, kuli cibalo cibandika makani aaya.”