Nzyomweelede Kwaamba Kujatikizya Mamagazini

Ngazi Yamulindizi Oct. 1

“Ibantu banji nibatali kufwa nibali kubikkila maano ciindi nobacenjezyegwa. Mwaka amwaka, zyuulu zyabantu balafwa akaambo kakutatobela zikwankwani zyakucenjezya zyamumigwagwa. Kubbuku lya Ba-Hebrayo 2:1 [Amubale] Banakristo bakulwaizyigwa kukakatila kukasimpe kajanika mu Jwi lya Leza. Ino mbuti mbotunga twazwidilila kucita boobo? [Amulindile bwiinguzi.] Eeyi Ngazi Yamulindizi ilijisi cibalo cibandika makani aaya.”

Galamukani! Sep. 8

“Ibanji sunu balilibilikide kujatikizya zyigwebenga, kubikkilizya akubelesyegwa kwazilwanyo zibelesya tuzunda naa misamu imwi ilibedelede. Sena muyeeya kuti mfwulumende zyabantu zilakonzya kwaamanizya mapenzi aaletwaa zyigwebenga munyika? [Amulindile bwiinguzi.] Ibbaibbele lilatondezya Leza ncakanzide kuyoocita. [Amubale Ezekieli 34:28.] Eeyi magazini ya Galamukani! ilapandulula itwaambo tumwi tujatikizyidwe.”

Ngazi Yamulindizi Oct. 1

“Ibanji bayanda kuzyiba naa kuli naayoomana mapenzi oonse ngotubona sunu—inkondo, milandu alimwi amicito yazyigwebenga. Ino nywebo muyeeya buti? [Amulindile bwiinguzi.] Ibbaibbele lilapa cisyomezyo eeci cikkazyika moyo. [Amubale Intembauzyo 37:10, 11.] Eeyi magazini ilapandulula kaambo Leza ncatana bumanizya bubi alimwi amapenzi aaletwa akaambo kabubi.”

Galamukani! Oct. 8

“Mazubaano kulibonya kuti mweelwe wamikwasyi yamuzyali uuli alikke iyaabuvwula kapati. Ibbaibbele litondezya kuti Mulengi wesu ulabafwida luzyalo. [Amubale Intembauzyo 146:9.] Eeyi Galamukani! ilatondezya njiisyo zya Bbaibbele mbozikonzya kugwasya bazyali bali balikke kuti bazwidilile mukukomezya bana babo.”