Nzyomweelede Kwaamba Kujatikizya Mamagazini

Ngazi Yamulindizi Dec. 1

“Bantu bamwi mazubaano lusyomo muli Leza luyaabumana. Ikaambo kamwi kabapa kutasyoma nkakuti, tabajani bwiinguzi bukkazika moyo kumibuzyo iikatazya iili mbuli bwayeeyi. [Amupe citondezyo kuzwa mukabbokesi kali apeeji 6.] Eeyi Ngazi Yamulindizi ilatondezya nzila yomwe iyandika mbotukonzya kuyumya lusyomo lwini-lwini muli Leza.” Amubale Ba-Filipi 1:9.

Ngazi Yamulindizi Dec. 1

“Sena kuli nomwakakatazyidwe ikuyeeya kaambo bantu banji sunu ncobatalumbi? Akaambo kakuti tukkala abantu batalumbi, tweelede kubona kuti tiitwanyonganisyigwa amuuya wabo. Ino muunzila nzi zigwasya motukonzya kutondezya kuti tuli bantu balumba ncobeni? [Amulindile bwiinguzi, mwamana amubale Ba-Kolose 3:15.] Mu Ngazi Yamulindizi eeyi, muli cibalo citondezya twaambo ncotweelede kulumba alimwi ambotukonzya kuzumanana kuba amuuya wakulumba.”

Ngazi Yamulindizi Dec. 1

“Ijwi lya Leza lilijisi nguzu zyakumucincila limwi muntu kuba kabotu. Ino Ijwi lya Leza lijisi nguzu zili buti? [Amulindile bwiinguzi, mwamana amubale Ba-Hebrayo 4:12.] Canguzu lilakonzya kukulwaizya muntu kusamununa buntu bwakale akusama bupya. Masimpe, Ijwi lya Leza lilembedwe ncibelesyo cijisi nguzu kapati iceelede kubelesyegwa kabotu. Eeyi Ngazi Yamulindizi ilapandulula makani ayandika mbotukonzya kulipandulula Ijwi lya Leza mbokweelede.”

Ngazi Yamulindizi Dec. 1

“Kaindi, bantu banji bakali kusyoma kuti bumwi buzuba nyika iyooba paradaiso. Mazubaano, bamwi baladooneka kuti naa iyoofwutuka. Ino nywebo muyeeya kuti nyika iyooba buti kumbele? [Amulindile bwiinguzi.] Amubone ncolyaamba Bbaibbele kumakani aaya. [Amubale Intembauzyo 37:11.] Eeyi magazini ilapandulula zinji nzyolisinsima Ibbaibbele kujatikizya nyika.”