Nzyomweelede Kwaamba Kujatikizya Mamagazini

Ngazi Yamulindizi Oct.–Dec.

“Mazuba aano bantu banji tababoni mbociyandika kwaamba kuti ‘ndalumba,’ aboobo balibona mbuli kuti mbebayandika kucitilwa zyintu zibotu lyoonse. Sena muyeeya kuti cilayandika kapati kulumba akaambo kazyintu nzyobatucitila bantu bambi? [Amulindile bwiinguzi.] Cibalo eeci citondezya mbuli Jesu Kristo awalo mbwaakatondezya kulumba akaambo kazyintu nzyobakamucitila bamwi. [Amubale Marko 14:3, 6.] Alimwi cilatondezya mpindu njotujana mukulumba.”

Sinsimuka! Oct.–Dec.

“Kwamyaanda yamyaka minji, kuli kukazyanya kujatikizya kaambo kakuzumanana kwabuumi muntu afwa. Ino muyeeya buti? [Amulindile bwiinguzi.] Amubone lusyomo ndwaakajisi Jobu. [Amubale Jobu 14:14, 15.] Zibalo eezyi zitondezya ncolyaamba Bbaibbele kujatikizya kuzumanana kwabuumi muntu afwa.” Amubatondezye zibalo zitalikila apeeji 19.

Ngazi Yamulindizi Oct.–Dec.

“Ipenzi limwi lijanika mumikwasyi imwi ndyakubandika akati kabazyali abana babo bakubuka. Sena muyeeya kuti kuli ncoikonzya kucita mikwasyi kutegwa izwidilile mukumana mapenzi aajatikizya makani aakubandika? [Amulindile bwiinguzi. Mpoonya amubale Tusimpi 25:11.] Cibalo eeci cilatondezya mbobakonzya kuzwidilila nkaambo caamba nzyobeelede kwaamba, mbobeelede kuzyaamba alimwi anobeelede kuzyaamba.”

Sinsimuka! Oct.–Dec.

“Sena muyeeya kuti nkuyanda kwa Leza kuti bantu kabafwa nzala yalo yakatazya kapati munyika mazuba aano? [Amulindile bwiinguzi.] Amubone makanze ngajisi aakumanizya penzi eeli. [Amubale Intembauzyo 72:16.] Cibalo eeci cipandulula Leza mbwaya kwiibambulula nyika kuti ibe Paradaiso.” Amubatondezye cibalo citalikila apeeji 23.